| මතක අතරට | වසරක නිමාව සටහන්…

| මතක අතරට |
වසරක නිමාව සටහන්වන අද දවසේ ගෙවී ගිය වසරේ මතකයන් මා හිත මිතුරු උදිත ගුණවර්ධන විසින් මෙසේ පෙළ ගස්වා දිනමිණට එක් කර තිබුණේ මෙහෙමයි.
ජනවාරි 01
පාර්ලිමේන්තුවේ සභාවාරය ජනාධිපති ගෝඨාභය රාජපක්ෂ මහතා විසින් විවෘත කිරීම
විපක්ෂ නායක ලෙස සජිත් ප්‍රේමදාස මහතා විපක්ෂ නායක ලෙස කථානායකවරයා විසින් පිළිගැනීම.
ජනවාරි 12
ප්‍රවීණ කලාකරු ජයලත් මනෝරත්න මහතා ගේ අභාවය.
ජනවාරි 27
මෙරටදී කොරෝනා වයිරසය ආසාදිත චීන කාන්තාවක් පළමු වරට හඳුනා ගැනීම.
පෙබරවාරි
පෙබරවාරි 04
ජනාධිපති ගෝඨාභය රාජපක්ෂ මහතා ගේ ප්‍රධානත්වයෙන් මෙරට නිදහස් උලෙළ නිදහස් චතුරශ්‍රයේ දී පැවැත් වීම.
ගමට ගෙයක් රටට හෙටක් නමින් අඩු ආදායම් ලාභීන්ට නිවාස ලබා දීමේ වැඩපිළිවෙළක් ආරම්භ කිරීම.
පෙබරවාරි 23
දක්ෂිණ අධිවේගී මාර්ගයේ මාතර මත්තල දිගුව ජනසතු කිරීම.
මාර්තු
මාර්තු 02
පාර්ලිමේන්තුව විසුරුවා හැරීමේ විශේෂ ගැසට් පත්‍රය ප්‍රකාශයට පත්වීමත් සමඟ 2015 දී රැස්කරනු ලැබූ පාර්ලිමේන්තුව විසිරවීම සිදු විය.
මාර්තු 02
විපක්ෂ නායක සජිත් ප්‍රේමදාස මහතා ගේ මූලිකත්වයෙන් සහ එක්සත් ජාතික පක්ෂයේ තවත් ජ්‍යෙෂ්ඨ නායකයන් විසින් සමඟි ජන බලවේගය නමින් නව දේශපාලන පක්ෂයක් පිහිටුවනු ලැබීම.
මාර්තු 11
කොරෝනා වයිරසය ආසාදනය වූ පළමු ශ්‍රීලාංකිකයා මෙරට දී හඳුනා ගනී.
මාර්තු 12
පාර්ලිමේන්තු මැතිවරණය සඳහා නාම යෝජනා කැඳවීමේ ආරම්භක දිනය.
මාර්තු 19
රට තුළ උදාවී ඇති වසංගත තත්ත්වය නිසා අප්‍රේල් 25 වනදා පැවැත්වීමට නියමිතව තිබූ මැතිවරණය මැතිවරණ කොමිසම විසින් තාවකාලිකව කල් දමනු ලබයි.
මාර්තු 20
කොරෝනා වසංගත තත්ත්වය ගැන ඇති වූ අවදානම නිසා රට පුරා පොලිස් ඇඳිරි නීතිය පනවනු ලබයි.
මාර්තු 28
මෙරට දී සිදුවූ පළමු කෙරෝනා මරණය අංගොඩ උණ රෝහලේ දී .
අප්‍රේල්
අප්‍රේල් 02
කොරෝනා අවදානම සලකා බලා නිසි පියවර ගැනීම සඳහා සර්ව පාක්ෂික සමුළුවක් අරලියගහ මන්දිරයේ දී.
අප්‍රේල් 06
ප්‍රවීණ සංගීතවේදී ජයන්ත රත්නායක මහතා ගේ අභාවය.
අප්‍රේල් 17
රංගන ශිල්පී දයා තෙන්නකෝන් මහතා ගේ අභාවය.
අප්‍රේල් 20
අප්‍රේල් විසිපස් වැනිදා පැවැත්වීමට නියමිත මහ මැතිවරණය ජූනි විසිවනදා පැවැත්වීමට මැතිවරණ කොමිසම තීරණය කරයි.
මැයි
මැයි 04
බස්නාහිර පළාත හැර සෙසු පළාත්වලට පනවා තිබූ පොලිස් ඇඳිරිනීතිය ඉවත් කරනු ලබයි.
මැයි 11
බස්නාහිර පළාත තුළ ඇඳිරි නීතිය තිබියදීම ජන ජීවිතය යථා තත්ත්වයට පත් කිරීම සඳහා නව වැඩපිළිවෙළක් ආරම්භ කරනු ලබයි.
මැයි26
ලංකා කම්කරු කොංග්‍රසයේ නායක ආරුමුගම් තොණ්ඩමන් මහතාගේ අභාවය.
ජූනි
ජූනි 10
ලීසිං සමාගමක සේවකයන් පිරිසක් විසින් පහර දීමෙන් ජාතික ත්‍රිරෝද රථ සංගමයේ සභාපති සුනිල් ජයවර්ධන මහතාව ඝාතනය කරනු ලබයි.
දිගින් දිගටම කල් ගිය මහ මැතිවරණය අගෝස්තු පස්වනදා පැවැත්වීමට ජාතික මැතිවරණ කොමිසම තීරණය කරයි.
ජූනි 17
ලංකා කම්කරු කොංග්‍රසයේ නව නායකයා ලෙස ජීවන් තොණ්ඩමන් මහතා පත්කරනු ලබයි.
ජූලි
ජූලි 01
වසංගත තත්ත්වය නිසා අඩපන වූ ව්‍යාපාර නැවත පණ ගැන්වීම සඳහා සියයට හතර අඩු පොලී අනුපාත යටතේ ව්‍යාපාරික ආයතන වෙත ණය සහන ලබා දීමේ වැඩපිළිවෙළක් රජය ආරම්භ කරයි.
ජූලි 06
වසංගත තත්ත්වයේ පළමු රැල්ල නිසා මාස තුනකට ආසන්න කාලයක් වසා දමා තිබූ පාසල් අදියර කිහිපයක් යටතේ විවෘත කිරීම ඇරඹේ.
ජූලි 31
අපරාධ පරීක්ෂණ දෙපාර්තුමේන්තුවේ හිටපු අධ්‍යක්ෂ ශානී අබේසේකර මහතා අසත්‍ය සාක්ෂි සකස් කිරීමේ චෝදනා මත අත්අඩංගුවට පත් වේ.
අගෝස්තු
අගෝස්තු 03
කොමියුනිස්ට් පක්ෂයේ ප්‍රධාන ලේකම්වරයා ලෙස කටයුතු කළ ඩිව් ගුණසේකර මහතා ඉල්ලා අස්වීමෙන් ඇති වූ පුරප්පාඩුව සඳහා වෛද්‍ය ජී. වීරසිංහ මහතා පත් කරනු ලබයි.
අගෝස්තු 05
වසංගත තත්ත්වය නිසා දෙවරක් කල් දැමූ මහා මැතිවරණය පැවැත්වේ. මහ මැතිවරණයෙන් ශ්‍රී ලංකා පොදුජන පෙරමුණ ආසන 146 මන්ත්‍රී ධූර ප්‍රමණයක් ජය ගත් අතර එජාපයෙන් බිඳී ආ සමඟි ජන බලවේගය පාර්ලිමේන්තුවේ ප්‍රධාන විපක්ෂ කණ්ඩායම බවට පත් වේ.
අගෝස්තු 09
පැවැති මහ මැතිවරණයෙන් විශිෂ්ට ජයක් ලැබූ පොදුජන පෙරමුණේ නායක මහින්ද රාජපක්ෂ මහතා නැවතත් මෙරට අග්‍රාමාත්‍යවරයා ලෙස දිවුරුම් දේ. එම උත්සවය ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් කැලණිය රජමහා විහාරයේදී පැවැත් වුණි.
අගෝස්තු 12
මහ මැතිවරණයෙන් ජය ගත් පොදුජන පෙරමුණු ආණ්ඩුව සිය ඇමැති මණ්ඩලය පත් කිරීම සිදු කළ අතර ඇමැතිවරුන් දිවුරුම් දීම මහනුවර මගුල් මඩුවේදී සිදු කෙරිණි.
අගෝස්තු 20
නව පාර්ලිමේන්තුවේ පළමුවන සැසිවාරය ජනාධිපති ගෝඨාභය රාජපක්ෂ මහතා විසින් විවෘත කෙරිණි. එහිදී නව කථානායකවරයා ලෙස මහින්ද යාපා අබේවර්ධන මහතා පත් කළ කෙරුණු අතර යළිත් විපක්ෂ නායකවරයා ලෙස සජිත් ප්‍රේමදාස මහතා පත් කරනු ලැබීය.
සැප්තැම්බර්
සැප්තැම්බර් 02
එක්සත් ජාතික පක්ෂයේ නව නියෝජ්‍ය නායකවරයා ලෙස රුවන් විජයවර්ධන මහතා පක්ෂය විසින් තොරා ගැනිණි.
සැප්තැම්බර් 21
ජනාධිපති ගෝඨාභය රාජපක්ෂ මහතා අන්තර් ජාල තාක්ෂණය ඔස්සේ එක්සත් ජාතීන්ගේ මණ්ඩලයේ සැසිවාරය අමතයි.
සැප්තැම්බර් 25
ගම සමඟ පිළිසඳර වැඩසටහන බදුල්ල හල්දුම්මුල්ල ප්‍රදේශයේදී ආරම්භ වූ අතර ඒ සඳහා විශාල ජනතා ප්‍රතිචාර පළ විය.
ඔක්තෝබර්
ඔක්තෝබර්03
මෙරට දෙවන කොවිඩ් රැල්ලේ ආරම්භයට සම්බන්ධ පළමු ආසාදිතයා මිනුවන්ගොඩ ඇඟලුම් කර්මාන්ත ශාලාවක් ඇසුරෙන් සොයා ගනි.එදිනම ගම්පහ දිස්ත්‍රික්කයේ පොලිස් කොට්ඨාස කිහිපයකට නිරෝධායන ඇඳිරි නීතිය පනවනු ලබයි.
ඔකතෝම්බර් 11
දැඩි සෞඛ්‍ය නීති යටතේ ශිෂ්‍යත්ව විභාගය පැවැත්වේ.
ඔක්තෝබර් 12
දැඩි සෞඛ්‍ය නීති යටතේ අපොස උසස් පෙළ විභාගය ආරම්භ වේ.
ඔක්තෝබර් 20
නම ගිය පාතාල නායකයකු වූ මාකඳුරේ මධූෂ් මාලිගාවත්ත ප්‍රදේශයේ දී පොලිසිය සහ මත් ද්‍රව්‍ය ජාවාරම්කරුවන් පිරිසක් අතර ඇතිවූ වෙඩි හුවමාරුවකට මැදිව මරණයට පත්වීම.
ඔක්තෝබර් 27
අමෙරිකානු රාජ්‍ය ලේකම් මෙරට නිල සංචාරයක් සදහා පැමිණීම.
ඔක්තෝබර් 29
පාර්ලිමේන්තුවේ දී තුනෙන් දෙකක බහුතර ඡන්දයකින් සම්මත වූ විසිවන ව්‍යවස්ථා සංශෝධනය කිරීම නිල වශයෙන් ප්‍රකාශයට පත් කරන ගැසට් පත්‍රය සඳහා කථානායක මහින්ද යාපා අබේවර්ධන මහතා විසින් අත්සන් තැබීම.
නොවැම්බර්
නොවැම්බර් 15
ඔක්තොබර් මාසයේ පැවැති පහ වසර ශිෂ්‍යත්ව විභාගයේ ප්‍රතිඵල නිකුත් වේ.
ජ්‍යෙෂ්ඨ මාධ්‍යවේදියකු වූ සහ ගීත රචකයකු වූ සිඩිනි චන්ද්‍රසේකර මහතා ගේ අභාවය.
නොවැම්බර් 17
මහා නායක අති පූජ්‍ය නාපානේ ‍ෙප්මසිරි මාහිමි ගේ අපවත් වීම.
නොවැම්බර් 23
අයවැය දෙවන වර කියවීම පාර්ලිමේන්තුවේ දී තුනෙන් දෙකක බහුතරයකින් සම්මත වේ.
නොවැම්බර් 26
නව පොලිස්පතිවරයා ලෙස එතෙක් වැඩ බලන පොලිස්පතිවරයා ලෙස කටයුතු කළ සී ඩී වික්‍රමරත්න මහතා වැඩ භාර ගනී.
එල් පී එල් ක්‍රිකට් තරගාවලිය හම්බන්තොට සූරියවැව ක්‍රීඩාංගණයේ දී ආරම්භ වේ.
නොවැම්බර් 29
මහර බන්ධනාගාරයේ ඇතිවූ ගැටුමක් නිසා සිරකරුවන් පිරිසක් මිය ගොස් තවත් පිරිසක් තුවාල ලබයි.
නොවැම්බර් 30
කොරෝනා වසංගත තත්ත්වය පාලනය කිරීම සඳහා නව රාජ්‍ය ඇමැති ධූරයක් ඇති කර ඒ සඳහා වෛද්‍ය සුදර්ශනී ප්‍රනාන්දුපුල්ලේ මහතා පත්කරනු ලබයි.
දෙසැම්බර්
දෙසැම්බර් 01
ඉහළ අධිකරණ සඳහා පත්කළ නව විනිසුරුවරුන් විසි එක් දෙනකු ඇතුළු විනිසුරුවරු පිරිසක් ජනපති ඉදිරියේ දිවුරුම් දීම.
දෙසැම්බර් 02
නැගෙනහිර සහ උතුරු පළාත හරහා හමා ගිය බුරවි සුළි කුණාටුව නිසා එම පළාත්වලට සුළඟින් සහ ගංවතුරෙන් හානි සිදුවේ.
දෙසැම්බර් 06
හිටපු ඇමැතිවරයකු වූ ටී බී ඒකනායක මහතාගේ අභාවය.
දෙසැම්බර් 08
මෙරට ජාතික විදුලි පද්ධතියට මෙගාවොට් සියයකට වැඩි විදුලියක් එක් කළ මන්නාරම තම්බපන්නි සුළං බලාගාරය විවෘත කිරීම අගමැති මහින්ද රාජපක්ෂ මහතා අතින් සිදු කෙරේ.
දෙසැම්බර් 12
ජාතික හෙළ උරුමයේ ලේකම් පාඨලී චම්පික රණවක මහතා එම පක්ෂයේ දැරූ සියලු තනතුරුවලින් ඉල්ලා අස් වේ.
දෙසැම්බර් 16
ගුවන් හමුදාවට අයත් පුහුණු ගුවන් යානයක් කාන්තලේ ප්‍රදේශයේ දී අනතුරට පත්වීම නිසා එහි පුහුණු නියමුවා මරණයට පත් වේ.
කොළඹ උසාවි සංකීර්ණයේ ගින්නක් හට ගනී.
දෙසැම්බර් 17
එම් සී සී ගිවිසුම අමෙරිකා එක්සත් ජනපදය විසින් අවලංගු කරනු ලබයි.
දෙසැම්බර් 28
කොවිඩ් මර්දන එන්නත් මෙරටට කඩිනමින් ගෙන ඒමට අවධානය යොමු කර ඇතැයි ජනාධිපති ජ්‍යෙෂ්ඨ උපදේශක ලලිත් විරතුංග මහතා සඳහන් කරයි.
ආරක්ෂක ලේකම් කමල් ගුණරත්න සහ යුද හමුදාපති ශවේන්ද්‍ර සිල්වා මහත්වරුන් ජනරාල්වරුන් ලෙස උසස් වීම් ලබා දීමට ජනාධිපතිතුමා තීරණය කරයි.

Click here to see full post on FB

#MirigamaApi #මීරිගමඅපි #Mirigama #මීරිගම