මීරිගම ගිරිඋල්ල පාරේ ආශිර්වාද…

, , Leave a comment

මීරිගම ගිරිඋල්ල පාරේ ආශිර්වාද ප‍්‍රකාශකයෝ ආයතනයෙන් මෙම පොත ඔබට විශේෂ වට්ටම් සහිතව ලබා ගත හැකිය.අ
ලි ඇත්තු, යුද්ධ, හිතාගන්නත් අමාරු දෙන්නෙක් අතර ඇතිවෙන ආදර සම්බන්ධතා, අලි ඇත්තු තුළ පවතින පුදුමාකාර මතක ශත්තිය… වාගෙ දේවල් සම්බන්ධ කතාන්තර කියවන්න වැඩි දෙනෙක් කැමතියි. මයිකල් මෝපර්ගෝගෙ, ‘ඇන් එලිෆන්ට් ඉන් ද ගාඞ්න්’ ඒවගෙ කථාවක්. ඒකෙ කියවෙන්නෙ මෙහෙම කතාවක්.
ලිසීගෙ තාත්ත දෙවැනි ලෝක මහා සංග‍්‍රාමයට සම්බන්ධ වෙලා සටන් කරපු කෙනෙක්. පවුගෙ ආර්තිකයට උරදෙන්නෙ එයාගෙ අම්ම සත්ත්ව උද්‍යානයක සත්ත්ව පාලිකාවක් විදියට රස්සාවක් හොයාගන්නව.
ලිසී, එයාගෙ අම්ම වාගෙම අට හැවිරිදි සහෝදරය වෙන කාල් කියන තුන්දෙනා ඒ සත්ත්ව උද්‍යානයෙ හිටපු මාලින් කියන අනාථ අලි පැටිය ගැන විශේෂ අවධානයක් යොමු කරනව. ඔවුන් හිටපු ඩෙ‍්‍රස්ඩන් නගරයටත් ඉක්මනින් බෝම්බ වැටෙන ආරංචිය පැතිරිලා ගියා. ඉතින් සත්වෝද්‍යානයෙ අධ්‍යක්ෂවරය තීරණය කළේ ඉන්න සියලූම සත්තු පූර්ව ආරක්ෂක චේතනාව මත විනාශ කරල දමන්න ඕනැ කියන එකයි. ඒ එහෙම කළාම එවුන්ට කුලප්පු වෙලා නගරය පුරා දුවන්න අවස්තාවක් නොලැබෙන්නයි.
ඒත් ලිසිගෙ අම්ම, සත්වෝද්‍යානයෙ අධ්‍යක්ෂවරය පොළඹවාගෙන මාලින් කියන අලි පැටිය බලා හදාගන්න ඒ අයගෙ පුද්ගලික ගෙවත්තට අරගෙන එනව.
බලාපොරොත්තු වුන විදියටම ඩෙ‍්‍රස්ඩන් ටවුමට බෝම්බ දමනව. ඉතින් ලිසීගෙ පවුලෙ කට්ටිය, මාලින් ද අරගෙන නගරගෙන් පිටත් වෙනව. ලිසියි එයාගෙ පවුලෙ අයයි එහෙම ගියෙ තනිවම නෙමෙයි. ටවුමෙ හිටපු හැමෝම ආරක්ෂක තැන් හොයාගෙන යන්න පිට්වෙලයි තිබුනෙ. එහෙම ඉන්න තැන් හොයාගෙන ගිය පිරිස දාස්ගාණක්.
අලි පැංචයි ළමයිනුයි අනතුරක් නැතිව අරගෙන යන්න ලිසීගෙ අමම හොයාගත්තෙ වෙනමම පාරක්. ඒ අය නෑදැයන්ට අයිති පාළුවට ගිහින් තිබුන ගෙදරකට ලඟාවුන වෙලාවෙ ඒ අයට කැනේඩියානු ගුවන් භටයෙකු වෙන පීටර් මුණගැහෙනව. එයා හිටියෙ ජර්මන් භටයන් විසින් අත් අඩංගුවට ගැනීමේ අවදානමට මුහුණ දීලයි. කොහොමහරි පීටර් ඒ අයගෙ විශ්වාසය දිනාගන්ව.
මේ අසාමාන්‍ය පවුල් එකමුතුවයි අලි පැංචයි හතුරු භටයයි එකට එකතුවෙලා ආදරය, ධෛර්යය හා අධිෂ්ඨානය හරිම අපූරුවට පැහැදිලි කරන කතාවකුයි ‘ඇන් එලිෆන්ට් ඉන් ද ගාඞ්න්’ කියන්නෙ. එහෙම පලා යද්දි මුහුණ පාන්නට සිද්ධ වුන ත‍්‍රාසජනක සිදුවීම් ගණනාවක් මේ පොතේ තියෙනව.
මේක එන්.පී.විජේරත්න මහත්මය විසින් ‘අලිපැංචා මාලින්’ නමින් බොහොම සරල විදියට සිංහලට පරිවර්තනය කරල තියෙනව. මේක එක දිගට කියවගෙන යන්න පුලූවන් හරිම සිත් ගන්න පොතක්. ප‍්‍රකාශයට පත්කරල තියෙන්නෙ මීරිගම ආශිර්වාද ප‍්‍රකාශකයෝ ආයතනයෙන්. සරසවි, ගුණසේන, ග‍්‍රන්ථ ඇතුළු බොහොමයක් පොත්හල්වලින් මේ පොත ලබා ගන්න පුලූවන් බව ආශිර්වාද එකෙන් ඇහුවම පැවසුවා

Click here to see full post on FB

#MirigamaApi #මීරිගමඅපි #Mirigama #මීරිගම