රජය මේ වන විට සහල් විකිනීම සදහා උපරිම සිල්ලර මිලක් නියම කර ගැසට් නිවේදනයක් නිකුත් කර ඇති බව කවුරුත් දන්නව. ( අංක 2200/3 හා 2020 .11.04 දින දරන අතිවිශේෂ ගැසට්පත්‍රය)
ඒ වගේම එම පාලන මිලට මිලදී ගැනීමට කෙසේ වෙතත් වැඩි මිලටවත් විශේෂයෙන් සම්බ සහ නාඩු සහල් මිලදී ගැනීමට පාරිභෝගිකයන්ට වෙලද පොලේ නොමැත.
අද දින මා මීරිගම, රේන්දපොල ප්‍රදෙශයේ පිහිටි එක්තරා සුපිරි වෙලදසලකට ගොඩ වුයේ නිවසට අවශ්‍ය භාණ්ඩ මිලදී ගැනීම සදහාය.
මගෙ නෙත එක්වර දිස්වූයේ “අරලිය ප්‍රිමියම් නාඩු” 10kg ක මිටියක විකුනුම් මිල ලෙස රු 960/= ලෙස සදහන් කර විකිනීම සදහා ප්‍රදර්ශනය කර ඇති ආකාරය.
දෙවරක් නොසිතු මා එම සහල් බෑගය සහ අනෙකුත් අවශ්‍ය භාණ්ඩ රැගෙන , කැෂියර් වෙත මුදල් ගෙවා අදාල බිල්පත්‍රය රැගෙන නිවසට පැමිණ පරීක්ෂා කල විට අරලිය ප්‍රිමියම් නාඩු 10 kg සදහා රු. 1100/= අය කර ඇති බව දිස්වුනි.
මා නැවත අදාල වෙලදසැල වෙත ගොස් මේ පිළිබදව විමසීමකට ලක් කලා. එහිදී වෙලදසැලේ හිමිකාරිත්වය සම්බන්ධයෙන් වගකිව යුතු තැනැත්තියක් යැයි මා හදුනාගන්නා ලද තැනැත්තියක්,
“අපිට කම්පැනියෙන් දාන්නෙ වැඩි මුදලට. ඉතින් අපි විකුනන්නෙ 1100/= ගානෙ”
මම – එතකොට ඇයි හාල් එකේ 1kg ක මිල 960/= කියල ගහල විකුනන්නෙ.
වෙලදසැල – කම්පැනියෙන් ගහල එවන ගාන අපිට වෙනස් කරන්න බෑනෙ.
එතනින් එහාට පිලිතුරක් අපේක්ෂා නොකර මා වෙලද සලෙන් නික්මිනි.
2003 අංක 9 දරන පාරිභෝගික කටයුතු පිළිබද අධිකාරී පනතට අනුව ,
” භාණ්ඩයෙහි ලකුණු කරන ලද මිල ට වැඩි මිලකට යම් භාණ්ඩයක් විකුණන හෝ විකිණීම සදහා ඉදිරිපත් කරන යම් තැනැත්තෙකු මෙම පනත යටතේ වරදකරු වන්නේ ය.”
මේ සම්බන්ධයෙන් මා අදාල අංශ වෙත පැමිණිලි කිරීම සිදු කල මුත් නිසි විමර්ශනයක් වේද යන්න සැක සහිතයි. විමර්ශන වනවාද කියා මා අනිවාර්යයෙන් පසු විපරමක් සිදුකරනව.
ඇත්තටම මේ කාලයේ සහල් මිල සම්බන්ධයෙන් ගැටලුවකට වෙලෙන්දා මෙන්ම පාරිභෝගිකයා ද ප්‍රායෝගිකව විවිධ දුශ්කරතා වලට මුහුණ දෙන බව මා හොදාකාරවම දන්නව.
කෙසේ නමුත් යම් පාරිභෝගිකයකුට තමන් මිලදී ගැනීමට අපේක්ෂා කරන භාණ්ඩයේ මිල මිලදී ගැනීමට පෙර දැන ගැනීමට අයිතියක් ඇත.
මෙලෙස සැබෑ මිල සගවා භාණ්ඩ විකිනීම පාරිභෝගිකයන් නොමග යැවීමක් නොවන්නේ ද?
ඔබත් මේ පිලිබදව සැලකිලිමත් වන්න.
Click here to see full post on FB
#MirigamaApi #මීරිගමඅපි #Mirigama #මීරිගම