❁WORLD❁
❁AUTISM❁
❁AWARENESS❁
❁DAY❁
අද ලෝක ඔටිසම් දිනයයි..!!
වර්තමානයේ විශාල ගැටළුවක් බවට පත්ව ඇති ඔටිසම් තත්වය ගැන පුංචි හැඳින්වීමකි.
ඔටිසම් යනු
කුඩා දරුවන්ගේ සමාජමය සම්බන්ධතා හා සමාජ සන්නිවේදනය ආශ්‍රිතව ඇතිවන දුර්වලතාවයකි. මෙවැනි දරුවන් බොහෝ විට අවුරුදු 3ට පෙර ලක්ෂණ පෙන්වන අතර, ඇතැම් විට එය හඳුනාගැනීමට අපහසු විය හැකිය.
ඉක්මනින් හඳුනා ගන්නා. දරුවන්ගේ මෙම ලක්ෂණ වෘත්තීය චිකිත්සක සහ කථන පුහුණුවීම් උපක්‍රම මගින් අවම කර ගත හැක.
ඔටිසම් හඳුනාගන්නේ කෙසේද?
* කථනය සහ සන්නිවේදනය,
අවුරුදු එකට අඩු දරුවන් කටින් ශබ්ද නිකුත් නොකිරීම
* කථනය ප්‍රමාද වීම
*දරුවන්ගේ වාචික නොවන සන්නිවේදනය දුර්වල වීම
උදා : වෙන අයෙකුගේ ඇස් දෙස බලා කතා නොකරයි.
* මුහුණෙන් සහ ශරීරයෙන් හැඟීම ප්‍රකාශ කිරීම දුර්වලය
* ඕනෑම වයසකදී දරුවකුගේ කථනය පසු බෑමකට ලක් වීම
සමාජ සම්බන්ධතා,
* සම වයසේ අනික් ළමයින් කෙරෙහි උනන්දුවක් නොදක්වා ඇතැම්විට වැඩිමල් හෝ කුඩා දරුවන් සමඟ සිටිය හැකිය
*බොහෝවිට තනිව සෙල්ලම් කරයි
අනික් අයගේ හැඟීම් අවබෝධ කරගැනීම දුර්වලය
* තවත් අයෙකු සමඟ සාකච්ඡාවක් ආරම්භ කිරීම හෝ පවත්වාගෙන යාම දුර්වලය
* සන්නිවේදන අපහසුතාවන් මගහරවා ගැනීමට මුහුණ හෝ ශරීරය හැඟීම් ප්‍රකාශනයට භාවිතා නොකරයි.
* සීමිත, නැවත නැවතත් සිදු කරන ක්‍රියාවන්
* විවිධ ශබ්ද, වචන හෝ වාක්‍ය ඛණ්ඩ නැවත නැවත පැවසීම
*ප්‍රශ්නයක් ඇසූ විට තමන් විසින් පිළිතුරු දීමට අපහසු අතර ඒ වෙනුවට අනෙක් අය කතා කරන වචන පුණුරුච්චාරණය.
*එකම වර්ගයක පින්තූර, චිත්‍ර සඳහා දැඩි කැමැත්තක් දැක්වීම.
* එක් වර්ගයක සෙල්ලම් බඩු හෝ සෙල්ලම් බඩුවක කොටසක් පමණක් කෙරෙහි දැඩි ආසාව දැක්වීම.
*නිතරම සෙල්ලම් බඩු පෙලගැස්වීම.
* ඇතැම් දරුවන් එදිනෙදා කටයුතු සඳහා නොවෙනස්වන රටාවක් පවත්වාගන්නා අතර, ඒ සඳහා බාධා පැමිණුනහොත් කිපෙනසුළු වීම.
* අත්වල, ඇඟිලි වල අසාමාන්‍ය චර්‍යා රටා ඇතිකිරීම.
* මෙම දරුවන් ඇතැම් විට අධි ක්‍රියාකාර. බවක් පෙන්විය හැකිය.
ශබ්ද වලට අධික සංවේදීතාවයක් දැක්වීම.
මෙවැනි ලක්ෂණ කිහිපයක් දරුවා තුල ඇතිවේ නම් සහ කථනය ප්‍රමාද වේ නම් වෛද්‍යවරයෙක් හමුවී උපදෙස් ගැනීම වැදගත්‍ වේ.
ඔටිසම් ඇතිවීමට හේතු මොනවාද?
මේ සඳහා ස්ථිර හේතුවක් සොයාගෙන නැත. එම නිසා ඇතැම් ජාන ව්‍යූහ, උපතේදී ඇතිවන සංකූලතා සහ පාරිසරික තත්ත්ව මේ සඳහා බලපාන බවට මත ඉදිරිපත් වී ඇති නමුත් ඒ කිසිවක් පරීක්ෂණාත්මකව තහවුරු කර නොමැත.
මීට අමතරව ඔටිසම් ඇතිවීම සඳහා ප්‍රතිශක්තිකරණ එන්නත් බලපාන බව දුර්මතයකි. එය මිලියන ගණනක් දරුවන් අධීක්ෂණය මගින් පරීක්ෂණ පවත්වා තහවුරු කර ඇත.
ඔටිසම් තත්ත්වය ඇති දරුවකු රැකබලා ගන්නේ කෙසේද?
මෙවැනි දරුවන් රැකබලා ගැනීම මදක් අපහසු කටයුත්තකි. මනා ඉවසීම අවශ්‍ය වේ. නිවැරදි ප්‍රතිකාර ක්‍රම මගින් දරුවාට සහ දෙමව්පියන් ට සිදුවන් අපහසුතා අවම කරගත හැකිය. සැරවැර කරමින් තරවටු කිරීමෙන් වැළකී දරුවාට අවශ්‍ය ආදරය සැමවිටම ලබා දීමට වගබලා ගත යුතුයි. එමෙන්ම දරුවාගේ පවතින යහපත් හැසිරීම් වර්ධනය කරන්නටත්, නොගැලපෙන හැසිරීම් ක්‍රමයෙන් පාලනය කරන්නටත් නිතර අවධානය යොමු කළ යුතු ය. මේ සඳහා දරුවාට. සම්පූර්ණ අවධානය යොමු කිරීම අවශ්‍යයි.
මෙම තත්වය සඳහා ඖශධිය ප්‍රතිකාර දැනට සොයා ගෙන නැත.
අවසාන වශයෙන් ඔටිසම් දරුවන් රැකබලාගන්නා මව හෝ පියාගේ මානසික තත්වය පිළිබවඳවද සැළකිලිමත් විය යුතුය. මන්දයත් මෙම දරුවන්ගේ ප්‍රතිකර්ම සඳහා කාලය බෙහෙවින් මිඩංගු කිරීමට අවශ්‍ය වීමත්, ඔවුන්ගේ සමහර හැසිරීමේ ගැටළු ඉක්මනින් පාලනය කර ගැනීම දුෂ්කර වීමත් නිසාය.
✤ප්‍රබුද්ධ✤
Click here to see full post on FB
#MirigamaApi #මීරිගමඅපි #Mirigama #මීරිගම