මේ දින වල මීරිගම අපිටත් කොරෝනා…

, , Leave a comment

මේ දින වල මීරිගම අපිටත් කොරෝනා බිය තදින්ම දැනෙන කාලයක්. ටවුන් එකේ උනත් වෙළඳසැල් පවා වහල පරිස්සම් වෙනව. Covid වලින් ආසන්නම සිදුවීම විදියට මීරිගම අපි ගොඩක් දෙනෙක් දන්න එගොඩවත්ත හිල්සයිඩ් හි අධිපතිතුමත් අප අතරින් වෙන් වෙලා ගිය එක නිසා මේ රෝගය කිසිඳු තෝරා බේරීමක් නොමැතිව ඕනෑම කෙනෙක්ට හැදෙන්න පුලුවන් කියල හැමෝම මේ වෙනකොට තේරිලා තියෙන්න ඕන. එතුමාට නිවන් සුව ප්‍රාර්ථනා කරන ගමන් මේ දැනුවත් කිරීම අපි හැමෝටම.

ඒ අතරම අපි හැමෝම දැනගන්න ඕන දෙයක් තමයි වසංගතය අපි ගාවටම ඇවිත් කියන එක. මීරිගම රෝහලේදී සිදුවෙච්ච ප්‍රථම කොරෝනා රෝගී මරණය අද වෙනකොට වාර්ථා වෙනව. ඒ වගේමයි පැය 24ක් යාමට මත්තෙන් පවුලේ කිසිම කෙනෙක් වත් නොමැතිව ආදාහනය වෙන්නත් සිදුවෙනව. ඡායාරූප හොඳට බලන්න. අන්තිමට ඉතුරු වෙන්නෙ මහජන සෞඛ්‍ය පරික්ෂකවරු සහ ආදාහනය කරන සේවකයින් විතරයි.

අපි පරිස්සම් උනේ නැත්තම් අපිටත් මේ ටිකමයි. කොහෙවත් යන වසංගතයකට ගොදුරු වෙලා මේ විදියට අවසන් ගමන් යනවද එහෙම නැත්තම් පරිස්සම් වෙලා ඉන්නවද කියන එක තියෙන්නෙ අපේ අතේ. ඒක නිසා හැමෝගෙන්ම ඉල්ලන්නෙ නියමිත සෞඛ්‍ය උපදෙස් අනුව ක්‍රියා කරන්න. විශේෂයෙන්ම ඔබ නිසා ඔබේ වැඩිහිටියන්ට මේ තත්වය ඇති වෙන්න ඉඩ තියන්න එපා. රෝග ලක්ෂණ තියනව නම් ප්‍රදේශයට අදාල මහජන සෞඛ්‍ය නිළධාරී තුමා දැනුවත් කරන්න. අපි පරිස්සම් උනොත් අපි හැමෝම බේරේවි. වාර්ථා වන රෝගීන් ගණන වැඩි වෙන්න වැඩි වෙන්න මරණ සංඛ්‍යාවත් වැඩි වෙනව කියන එක මතක තියාගෙන වැඩ කරමු.

තොරතුරු සහ ඡායාරූප ලබා දුන් මීරිගම නගරයේ මහජන සෞඛ්‍ය පරීක්ෂක Nishanta Somarathne මහතා ඇතුලු මීරිගම වේවැල්දෙනිය කොට්ඨාශය බාර මහජන සෞඛ්‍ය පරීක්ෂක විමුක්ති මහතා, ඡායාරූප ලබා ගත් ධම්මික මහතාට විශේෂ ස්තූතිය.

ඔවුන් සියලු දෙනාම මහන්සි වෙන්නෙ අපේ ආරක්ෂාවට. ඒ මහන්සිය, කැපවීම අපතේ නොයාමට වග බලා ගමු.

Click here to see full post on FB

#MirigamaApi #මීරිගමඅපි #Mirigama #මීරිගම