ගොඩ දවසක ඉඳන් මේ ගැන ලියන්න ඕන…

, , Leave a comment

ගොඩ දවසක ඉඳන් මේ ගැන ලියන්න ඕන කියලා හිතන් හිටියට සකර්බර්ග් මහතා විසින් ඇතිකර තිබූ අවහිරතාවයක් නිසා ලියා ගන්න බැරි උනා..

වෙසක් පෝයට මීරිගම නගරයට ගිය මට ඇති උනේ පට්ටම දුකක්.

ඇයි…ඒ….

මුළු නගරයම අඳුරෙන් වැසී ගිහින් තිබුනේ..
මීරිගම බෞද්ධ ජනතාවගේ නගරයක් නොවේ දැයි සිතෙනා තරමට. ආසාවට කූඩුවක් බල්බ් වැලක් දකින්න නොතිබුණු නගරයේ අඩුම තරමේ බෞද්ධ කොඩි ටිකක්වත් දාලා තිබුනේ නෑ. 😭

මීරිගමට තදාසන්න ප්‍රධාන නගර වූ දිවුලපිටිය, වේයන්ගොඩ, ගිරිඋල්ල සහ වරකාපොල මහා ඉහලින් වෙසක් සමරද්දී…මීරිගම අපේ නගරය තිබුන හැටි දැක්කහම පට්ට දුකක් දැනුනෙ.

අපේ මීරිගම ප්‍රදේශවාසීන් ආමිස පූජාවට වඩා ප්‍රතිපත්ති පූජාව උතුම් යැයි සලකන නිසා වෙන්න ඇති කියා මට සිතුනේ.😝

ප්‍රධාන නගරය එහෙම වෙද්දී..
කල් එළිය, පල්ලේවෙල, බාඳුරාගොඩ, පස්යාල, දංඕවිට, වේවැල්දෙණිය සහ කණ්ඩලම වගේ උප නගර විතරක් නෙවේ රජදහන හන්දිය පවා වෙසක් වෙනුවෙන් ලස්සන සැරසිලි කරලා ආලෝකවත්ව තිබුනා..
නමුඳු මීරිගම නගරය..😭

සිංහල අවුරුද්ද වෙනුවෙන් ලවුස් පීකර් බැඳගෙන,ඇඩ්වර්ටීස්මන්ට් දාගෙන, සිංදු කියාගෙන් තම කඩ සාප්පු වලට ජනතාව කැන්දාගත් මීරිගම නාගරික වෙළඳ ප්‍රජාවට, වෙසක් වෙනුවෙන් තම තමන්ගේ කඩ සාප්පු ඉස්සරහ අටපට්ටමක් එල්ලා විදුලි බුබුලක් දාන්න තරම් සිතක් පහළ නොවීම මාරයි..😀
මීරිගම නගරයේ..රාජ්‍ය ආයතන වන ප්‍රාදේශීය ලේකම් කාර්‍යාලය, ප්‍රාදේශීය සභාව, ශ්‍රී ලංකා පොලිසිය,සුරා බදු කාර්‍යාලය, වන ජීවී කාර්‍යාලය, තරුණ සේවා සභාවට අයත් යොවුන් නිකේතනය, ප්‍රධාන පාසල් තුනක් වගේම ගුරු විදුහලක් පිහිටා තියනවා.
ඊට ආනුශංගිකව වෙළඳ සංගම් තුන හතරක් තියනවා මා දන්නා තරමට..
අපි කුඩා කල මාර්කට් වෙළඳ සංගමය සෑම වසරකම තොරණක් ඉදිකලා.. හොල්මන් මන්දිර, සැණකෙලි, භක්ති ගීත සංදර්ශන, දන්සැල් වැහි වැහැලා.
අපි තරුණ කාලෙත් ඒවා එහෙම්ම තිබුනා. අපිත් නාගරික තරුණ කැල විදිහට බස්නැවතුම් පලේ මහා බත් දන්සැලක් දුන්නා 2004,05 සහ 2006 දි.
එන්න එන්න ඒ දේවල් මීරිගමින් වියැකී යනු දකින විට ඇතිවන්නේ මහා දුකක්.
ශාසන වර්ධන පිරිවෙන, පාසල්, රාජ්‍ය ආයතන, වෙළඳ ප්‍රජාව සහ නාගරික තරුණ කැල එක්වෙලා වෙසක් දිනයට වැඩසටනක් කරනවා නම් ගොඩක් වටිනවා කියලා මට නම් හිතෙන්නේ.
ඒ වගේම “මීරිගම” කියලා type කලහම සමාජ මාධ්‍ය ජාලා කීයක් නම් wall එකේ පෙළට එනවද?
ඒ කට්ටියටත් එකතු උනා නම් ලොකු වැඩක් කරන්න පුළුවන් වේවි.
කාගෙවත් සිත් රිදවන අරමුණින් ලියන ලද්දක් නොවන අතර වෙසක් දවසේ ටවුමට ගිය මගේ සිත රිදුනු නිසා ලියන ලද්දක් බව සලකන්න.
මේ පින්තූරය 2018 ගත් එකක්..📷😀

සංවාදයට හෝ විසංවාදයට ඔට්ටුයි..

Click here to see full post on FB

#MirigamaApi #මීරිගමඅපි #Mirigama #මීරිගම