ජාතිවාදී කලබලලු රටේ හැම පැත්තෙ…

, , Leave a comment

ජාතිවාදී කලබලලු රටේ හැම පැත්තෙම…
අන්තවාදී ත්‍රස්තවාදය සැරිසරනවාලු මුඛවාඩම් බැඳගන…
බෙදා ගන්නට දෙයක් නැති බව නොදන්නා අමුතු ඇටයේ ඔක්කොම…
දුවනවා කඩු මුගුරු හිත් මුල් වල සගවාගෙන..
කරන්නට තියනා රාජකාරිය එක්කම…
කරන්නට සිදු වෙනවා එය මගේ ගම පැත්තම..
පුංචි කාලේ මම හැදුණු පරිසරය දැක්කම…
දැනෙනවා ගැම්මක් යද්දී නිල ඇඳුම් එක්කම…

කහට තැවරුනු ජංගි කොට ඇඳගත් පොඩි එවුන් රොත්තම…
මමත් රිංගුවා අයිස් කැට කන්න “චීප් සයිඩය” අස්සෙම…
පාර අයිනෙම ගරාවැටුණු කඩේ ඇරගෙන තාම…
බලාගෙන ඔහේ ඉන්නවා කකුල කොට නාන තනියම..

අදුන ගන්න පුළුවන්ද මාව…
පුංචි කාලේ ආව කොල්ලා …
අම්මා එනකම් බලන් ඉන්නට…
බස් එක එනකල් ලගින්නට…
ආඩම්බරයි පුතේ නුඹව දැක්කම ..
වියලුන දෑස් වල ඇඳෙනා සිනා සිත්තම එක්කම…
ආඩම්බරයි පුතේ නුබේ වත්කම…
හරිම ලොක්කෙක් වෙලා නොවැ නිල ඇඳුම එක්කම ….
දෑත් අල්ලා වෙවුලමින…
සතුට දෝරේ ගලනවා නෙත කඳුළු එක්කම…

ආවේ මම රාජකාරියකට …
කඩය සෝදිසි කරන්නට …
අවසර දෙනවද මාමේ මට…
මා පැමිණි වැඩය නිම කරන්නට…
සහයෝගය අපමණයි …
සිතා ගන්නටවත් බැරි හැඩයි….
කඩයම එළියට අදින්නට සැරසෙයි…
දෑස් අග කඳුළු කැට දිලිසෙයි….

පුතේ මේ කඩය එලියටම ඇදලා දාපන්…
හැම මුල්ලකම සෝදිසි කරලා බලාපන්…
කොහේ හරි තැනක තියෙනවා දෝ කියා හොයාපන්..
වනසලා දමා ඇති ඉස්සර තිබූ අපේ නෑදෑකම්….

2018 අප්‍රියල් 23 (පාස්කු ප්‍රහාරයට පසු)

Click here to see full post on FB

#MirigamaApi #මීරිගමඅපි #Mirigama #මීරිගම