තවත් උදාර මීරිගම පුත්‍රයකු වූ අභාවප්‍රාප්ත ප්‍රතිභාපූර්ණ ටෙලි සිනමා කැමරා අධ්‍යක්ෂ කේ. ඒ . ධර්මසේනයන් පිළිබඳ මතකය අද උදෑසන යළි අවදි වූයේ මුහුණු පොතේ දුටු සටහනක් හේතුවෙනි.
ලෙස්ටර් ජේම්ස් පීරිස්, සුමිත්‍රා පීරිස් යුවළ සෙවණේ වැඩුණු මේ අසහාය කලා කරුවා ගැන මගේ මතකයෙන් බිඳකි මේ.
ඔහු මට මුලින්ම හමුවෙන්නේ මීරිගම යෞවන සමාජ සම්මේලනය මගින් ආරම්භකරන ලද යොවුන් පාසලේ පැවැති සිනමාකරණ පාඨමාලාවක දී ය.
සිනමා ලොවේ දැවැන්තයන් විසින් දේශන මෙහයෙවු එම පාඨමාලාව හදාරන සිසුවෙකි එකල මතත්.එවකට මීරිගම යෞවන සමාජ සම්මේලනයේ සභාපති ධුරය හෙබවූ නැසීගිය ගස්පේ ප්‍රේමචන්ද්‍ර රූපසිංහ (රූපවාහිනී සංස්ථාවේ කාලීන වැඩසටහන් අංශයේ අධ්‍යක්ෂවරයෙක්) මහතාගේ අදහසකට අනුව මීරිගම මැදි මහ විදුහලේ දී ඉහත කී පාඨමාලාව පැවැත් විණි.
මේ පාඨමාලාවේ සියලු දේශන සඳහා එක් වූයේ ලංකාවේ නමගිය දැවැන්තයින් පිරිසකි. තිස්ස අබේසේකර, සුමිත්ත අමරසිංහ,ඇනඩෘ ජයමාන්න, ධර්මසේන හේමපාල,සාලමන් ෆොන්සේකා,ක්‍රිෂ්ටි ෂෙල්ටන් ප්‍රනාන්දු,ලාල් වික්‍රමාරච්චි සමග මේ ඇදුරු මඩුල්ලට කේ.ඒ. ධර්මසේන නම් මීරිගම දැවැන්තයාත් එක්ව සිටි සිටියහ. මෙහි මට අමතක තව නමි කිපයක්ම වෙයි.
ආලේකකරණය පාඩම අපට කියා දුන්නේ කේ. ඒ. ධර්මසේන මහතායි. ඒ පාඩමෙන් පටන් ගත් අපේ ඇසුර පසුකලෙක මිත්‍රත්තවයක් බවට හැරිණි. ධර්මසේන සර් පසුව මට ධර්මේ අයියා විය.
බොහෝ අවිවේකී දිවියක් ගත කළ මේ සොඳුරු මිනිසා මිරිගමට පැමිණෙන දිනයක් වෙත් නම් නොවරදවාම පණිවිඩයක් ලැබෙයි. හවස හතරට විතර බේත් සාප්පුවට එන්න. මේ දැවැන්තයා මීරිගම විවේකී මොහොත ගත කරපු එකම තැන මේ පහළ ටවුමේ බේත් සාප්පුවයි.
ඉතින් එතැන රස ගුලාවකි.
ලාංකීය සිනමාවට ටෙිලි කලාවට අනුපමේය සේවාවක් කළ ඔහු මීරිගමට ආඩම්බරයකි.
ඔබ මේ සටහන කියවන මීරිගම අපි ගෘපයේ ඇඩ්මින් Sisira P Dharmasena ආදරණීය ධර්මේ අයියාගේ පුතනුවන් ය. ධර්මේ අයියේ මේ ඔබට මිරිගම අපේ උපහාරයයි.
Click here to see full post on FB
#MirigamaApi #මීරිගමඅපි #Mirigama #මීරිගම