බොදුනුවන් වන අපගේ ශාස්තෘන් වහන්සේ ගෞතම බුදුරජාණන් වහන්සේය. උන්වහන්සේ ලොව පවතින දුර්ලභ කාරනා තුනක් දේශනා කළා. එනම් බුදුවරයකු ලොව පහල වීම, බුද්ධෝත්පාද කාලයක ඉපදීම සහ මිනිසත්බවක් ලැබීම. සංසාරගතව දුක්විඳින සත්වයාට සසර දුකින් එතෙර එතෙර වීමට නම් බුදුවරයකු මුනගැසී හෝ , බුද්ධෝත්පාද කාලයකදී හෝ බුදු බණ පදයක් ඇසිය යුතුමයි. එසේ නොවන තාක් සත්වයෝ සසරේ දුක් විඳින බව ධර්මයෙහි සඳහන්වේ. සසරින් මිදීමට වීර්යය කරන තැනැත්තා මුලින්ම තිසරණය කෙරෙහි සද්ධාව පහල කරගත යුතුයි(සද්ධාය තරතී ඕඝං). ඉන් අනතුරුව පංච ශීලය ආදී ශීලයක පිහිටිය යුතුයි. මෙය බොදු පිළිවෙතෙහි ආරම්භයයි. බෞද්ධ අපට නිවන් මග සිහිපත්කරවන, කියාදෙන ඉතා වටිනා ගෞරවාන්විත ග්‍රන්ථ රත්නයකි ” පිරුවානා පොත් වහන්සේ හෙවත් මහ පිරිත් පොත”. එබැවින් බොහෝ බෞද්ධ නිවෙස් වල අතීතයේ පටන් දුක, බිය, රෝග නිවාරණය පිණිසත්, සියලු ආරක්ෂාව පිණිසත් මේ උතුම් ග්‍රන්ථයේ ඇතුලත් සූත්‍ර දේශනා සජ්ඣායනා කරවා ගත් අතර,එය ඔවුන්ගේ දැහැමි දිවියට ආශීර්වාදයක් ද වුනා. වර්තමානය වන විට මේ ස්වභාවය විවිධාකාර ලෙස වෙනස් වී ඇති අතර, මේ බෞද්ධ පිරිස් අතර උතුම් ග්‍රන්ථ රත්නය පිළිබඳව ඇති වැටහීමද අඩුවෙමින් පවතී. එබැවින් උදාවුන 2023 නව වසරේ මේ උතුම් ග්‍රන්ථ රත්නයේ වටිනාකම බොදු ජනයා අතරට ගෙනයාමට මම අලුත් ඔබට ඉදිරිපත් කරමි. වරක්, දෙවරක් නොව තෙවරක්ම මේ ගැන සද්ධාවෙන්ම සිතන ලෙස, ධර්ම ගරුත්වයෙන් යුතුව ඉල්ලමි. තිසරණය කෙරෙහි සද්ධාවෙන් යුතුව, සමාධිසංවත්තනික ශීලයක පිහිටා, ධර්ම ගරුත්වයෙන් යුතුව, ධර්මානුකූල පරිසරයක, පිරුවානා පොත් වහන්සේගේ අන්ර්ගත සූත්‍ර දේශනා පිළිබඳව දැනුවත්කර, එම සියලු සූත්‍ර දේශනා එකම හඬකින්, අඛන්ඩවම පැය පහක පමණ කලෙයක දී, ධර්ම දානමය පිංකමක් ලෙස, කිසිදු ආමිෂ ලාභය බලාපොරොත්තුවෙන් තොරව, ඔබගේ නිවසේ සජ්ඣායනා කර දීමට මම අදහස් කරමි. වසර 20 කට ආසන්න කාලයක් ගෞරවනීය විහාරාධිපති ස්වාමීන් වහන්සේලාගේ ආශීර්වාදය ඇතිව විහාරස්ථානයන්හී පෙහෙවස් සමාදන් වූ උපාසක, උපාසිකාවන්ට දහම් මග යමින් දහම් මග කියාදුන් මාහට මෙය එතරම් අපහසු නොවන බව මගේ විශ්වාසයයි. සැදැහැති පින්වත් ඔබගේ කැමැත්ත මෙය සාර්තක කර ගැනීමට හේතුවේ…..ඔබ සැමට තෙරුවන් සරණයි……..
Click here to see full post on FB
#MirigamaApi #මීරිගමඅපි #Mirigama #මීරිගම