මධ්‍යම අධිවේගයේ මීරිගම කුරුණෑග…

, , Leave a comment

මධ්‍යම අධිවේගයේ මීරිගම කුරුණෑගල කොටස විවෘත විමත් සමග මීරිගම රථවාහන තදබදයක් ඇතිවුණා යන්න සත්‍යයකි. එය තාවකාලික බවද අපි දනිමු. අනෙක් කොටස විවෘත වන තුරු හෝ මෙයට ද තාවකාලික පිළියම් ඇත.(විකල්ප මාර්ග පිළියම අප මෙයිට කලින් පෙන්වා දි ඇත).
{ මේ තවත් තාවකාලික විකල්ප යෝජනාවලියකි }
මීරිගම වාහන තද බදය ඇතිවීම කෙරෙහි ලොකු වගකීමක් පොලිස් ස්ථානයටත් හිමිවෙනවා. ඒ වගේම මහා මාර්ගය හිමි ආයතනවලටත් ඒ වගකීම පැවරෙනවා.
ගිරිඋල්ල පස්යාල පාර පුළුල්කිරීමේ ව්‍යාපෘතිය ක්‍රියාත්මක වුණේ කෝටි ගාණක් වැයකරමින්. එකට ලොකු කාලයකුත් ගත කළා.
නමුත් අවසානයේ අපට ලැබුණේ පරණ තිබ්බ පාරේ පළලින්ම යුතු පාරක් මිසක් මංතීරු වැඩිවූ පාරක් හෝ වඩා පළල් වූ පාරක් නම් නෙමේ.
පෙර තිබ්බ පාරේ පළලින්ම තමයි අලුතින් පුළුල් කර මාරගයේත් මං තීරු සළකුණු කරලා තියෙන්නේ.
එතකොට පාර පළල් කරලා නැද්ද?
පළල් කරලා තියනවා දෙපස. ඒකත් මාර්ගයේ මුල සිට කෙළවර දක්වා සමාන්තරව නෙමේ හිතු හිතු තැන්වලින් වඩාත් පළලටත් සමහර තැන්වල තිබ්බ විදියටත් වශයෙන්.
අද ඒක ප්‍රයෝජනයට ගන්නේ කවුද?
වෙළඳ සල් හිමියන් තමන්ගේ පාරිභෝගිකයාගේ රථවාහන නැවතුම් හැටියට. හොඳට පේන්න තියන දෙයක් තමා නම් දැරු වෙළඳසල් ඉදිරිපිට මේ මාර්ගය ගොඩක් පුළුල් කරලා තියනවා. නමුත් වාහන ධාවන මංතීරු පෙර පරිදිමයි.
මේ දෙපස තීරුවේ වාහන නැවතීම ඔත්තේ ඉරට්ටේ ක්‍රමයට හෝ එක් පසකට වන්න සිදුකළොත් මාර්ගයේ ගමන් කරන වාහන වලට තදබදයකින් තොරව ගමන් කර හැකියි.අන්න ඒක පොළිසියේ රාජකාරියක්.
වෙනත් විකල්ප තියනවද?
මංතිරු දෙකෙන් පිට ඉඩ කඩේ වාහන නැවතිම සම්පූර්ණයෙන්ම තහනම් කොට ඒ දෙපස ඉඩ යතුරුපැදි හා පාපැදි ගමනාගමනයට පමණක් සිමා කිරීම. එමගින් අනතුරු අවම කරගත හැකියි. යතුරු පැදි ධාවනයේ වේග සිමා ඉක්මවීම්ද බොහෝ දුරට පාලනය කරගත හැකියි.එයද පොලිසියට ක්‍රියාත්මක කළ හැකිය.එහෙත් ඒ සඳහා ප්‍රා සභාව ප්‍රාදේශීය ලේඛම් තුමා වගේම දේශපාලන අධිකාරිය විසින් ගත යුතු ක්‍රියා මාර්ගයක්.
එසේම අද දක්නට ලැබුණු තවත් දෙයක් තමයි මේ දෙපස ඉඩකඩ තුළ තැනින් තැන කුඩා කඩ හිමියන් තාවකාලික ලෑලි ඉදිකර තිබීම සහ ඔවුන්ගේ තාවකාලික ප්‍රචාරක පුවරු රඳවා තැබීම. මේ නිසාත් වාහන තදබදය ඇති වෙනවා. අයිනෙන් ගමන් කරන වාහන මේ ස්ථානවලින් එක වරම මහා මං තීරුවට ගන්න වෙනවා. මෙය අනතුරට අත වැනීමකි.
එසේම තව කළ හැකි දෙයක් තමා මීරිගම නගරයේ නොනවත්වා ධාවනය වන වාහන කල් එළියේ සිට ලෝලුවාගොඩ දක්වා ඉඩ කඩේ දකුණු මං තිරුවට වන්නට ධාවනය කරවීමත් අනෙත් වාහන වම්පසට වෙන්නට ධාවනය කරවීමත්.
දැනට නගරයේ වාහන නැවතුම් ගාල් හතරක් පමණ පිහිටුවා ඇත. නව වෙළඳ සංකීර්ණය ඉදිරිපස එකක්, බස් නැවතුමට මෙහා බෝගස ගාව එකක්, පැරණි පොළ තිබූ ස්ථානයේ ලොකු රථගාලක් හා නව පොළ සංකිර්ණයේ එකක් වශයෙන් එවා ඉදි කොට ඇත. අන්න ඒ රථගාල් ප්‍රයෝජනයට ගන්නට සලස්වා නගරයේ මාවත් දෙපස වාහන නැවතිම සීමා සහිත කළොත් තද දුරටත් වාහන තදබදය අඩු කරගත හැක.
ඔත්තේ ඉරට්ටේ නීතියද ක්‍රියාවට නැංවිය හැකිය.
පොලිස් ස්ථානයක රථවාහන අංශයේ ක්‍රීයාකාරිත්වය විය යුත්තේ කොතැනක හෝ හැංගි ඉඳ ලයිසන් නැති අයෙක් හෝ ඉරක් කපන අයෙක් අල්ලා උසාවි දැමීම පමණක් නොව වාහන තද බදයක් ඇතිකරන දේ ගැන සොයා බලා අන්න ඒවාටත් විසඳුම් ලබා දිමයි.
ජයතිස්ස කඩේ මට ගොඩක් වටින තැනකි. මා බඩු ගන්නේද එම කඩෙයන්මයි. එහෙත් හිතන්න මේ කඩ දෙකට බඩු ගෙනෙන කන්ටේනර් දවසට කියක් මෙතැනට එනවාද? අද වගේ දවසක ඒ කන්ටේනරයක් පාර හරහා දාගන හරවන විට ඇතිවන වාහන තද බදය කොතරම්ද කියා. අන්න ඒවා නැවැත්විය යුතුය. ව්‍යාපාරයද පැවතිය යුතුය. එනිසා අධික තද බද ඇතිවන සෙනසුරාදා වගේ දිනවල ඒ කටයුත්ත නොකරන ලෙස හෝ අවශ්‍යම නම් රාත්‍රී 9න් පසුව ඒ කටයතු සිදු කරන්නට උපදෙස් දුන්නොත් එතැනින්ද වාහන තදබදයට නිසි විසදුමක් ලැබේ. එසේම ඒ කඩය දෙපස දිනකට නතර කරන වාහන කන්දරාව නිසාම දැඩි වාහන තදබදයක් ඇතව තිබේ.
සත්‍ය ලෙසම මේ කන්ටේනරයක් හෝ ලොරියක් හරවාගන්නට විනාඩි පහක විතර කාලයක් මාර්ගය අවහිර වේ.
මේ සටහන කිසිවකුගේ හිත් රිදවීමට නොවේ.
යම් තදබදයකදී රියදුරු විනය නොතකා අස්සේ රිංගවන රියදුරන් නිසා තදබදය උග්‍රම වේ. අන්න ඒ අය සඳහා නීතිය ක්‍රියාත්මක කරානම් සතියකට ගත යුතු නඩු ගණන දවසින් ලබාගත හැකිය. එවිට පාරේ හැංගමුත්තං කරමින් විනය කඩන රියදුරන් ඇල්ලීමට වෙහෙස විය යුතු නොවේ.
මීළග මාසික සංවර්ධන රැස්වීමේදී හෝ වගකිය යතු පිරිස් මේ ගැන කතිකා කොට කඩිනම් පිළියම් යෙදිම කාටත් පහසුවකි.(එසේම මේ තීරණ වාහනයකින් මීරිගමට පැමිණෙන්නාට කරදරයක්ද විය හැකිය. හැමදාටම නෙමේ මේ වාහන තදබදය නිමා වේ යැයි කියන අධිවේගයේ කඩවත කොටස විවෘත වන තෙක්වත් ක්‍රිියාවට නැංවුවොත් එය කාටත් පහසුවකි.)
වඩා පහසුකම දිය යුත්තේ මීරිගම ජනතාවටයි.පාර පරිහරණය කරන පිටස්තරයා ගැන බලන්නට පෙර මිරිගම ජනතාව ගැන බැලීම කාටත් වටී.
මීරිගම නගරයට යන්නට විදින දුක නිසාම ලියූවකි මේ සටහන.

Click here to see full post on FB

#MirigamaApi #මීරිගමඅපි #Mirigama #මීරිගම