මළ බතට වට්ටක්කා,බල කරවල දෙන්නේ…

, , Leave a comment

මළ බතට වට්ටක්කා,බල කරවල දෙන්නේ ඇයි…

අපි මේ ගැන දැනුවත් ද..
කියවලා ම බලන්න .
රසට කනවා වගේම .
හේතු ..ගුනාත්මකභාවයත්
දැන ගමු..
උපුටා ගත් ලිපිය ක්..

මළබතට වට්ටක්කා,අළුකෙසෙල් ,බල කරවල උයන්නේ ඇයි?

මළ බත සම්ප්‍රදායානුකූලව පැවත එන ආහාර වට්ටෝරුවක් තමයි වට්ටක්කා බල කරවල අලුකෙසෙල් ව්‍යාංජන.දැං නම් ගොඩාක් දුරට මේ රටාවේ වෙනස් වීමක් දක්නට ලැබෙනවා,මළගෙදර කෑම මගුල් ගේක තරම් කෑම ජාති තමන්ගේ තත්වෙ පෙන්නන්ත් එක්ක මළගෙදර එන අයට පිළිගන්වන්න රැල්ලක් හැදීගෙන එනවා.
ඉතිං අපි ඉගෙන ගමු අපේ පැරැන්නන් ඇයි මේ වට්ටොරුව තෝරගන්න හේතු වුනේ කියලා.

ශෝකය,භය,කාන්සිය,ආදී සිතුවිලි ගත සිත ⁣හෙම්බත් වී ඇති මෙවන් අවස්ථාවක අසමතුලිත වන ශරීර ක්‍රියාකාරීත්වය ඉහත සඳහන් වට්ටෝරුව මඟින් සමතුලිත භාවයට පත්කර ගත හැකියි.මේ ද්‍රව්‍ය 3න්ම සිරුරට අධිකව කැල්සියම් ලැබේ.

හැඬීමෙන් ශරීරයේ පිටවන දියර වර්ග එනම් සොටු,දහදිය,කඳුළු ආදියෙන් ඉවත් වීමෙන් සිරුරට අවශ්‍ය ඛණිජ ලවණ හිඟයක් මතුවේ.එමනිසා විජලන තත්වයක් ඇතිවේ.මෙවැනි අවස්ථාවල කැල්සියම් හා ආහාර වලට එක්වන ලුණු වලින් අවශ්‍ය ඛණිජ ලවන සපිරේ.

එමෙන්ම අළුකෙසෙල් වල ඇති ග්‍රාහී ගුණ නිසා දියර වර්ගවල වැගිරීම් අඩුකර දියර වර්ග කැටි කරයි.එමගීන් විජලනය නැවතීමට උපකාරී වේ,සෙමද නසයි.විෂ සමනය කරන ගුන නිසා සිරුරේ දොස් කිපීමෙන් ඇතිවූ විෂ සමනය කරයි.
වට්ටක්කා අලුකෙසෙල් දෙකෙන්ම අම්ල පිත ඔක්කාරය හා බඩ පපුව දැවිල්ල සමනයට මහඟු ඖෂධයකි.

එමෙන්ම බල කරවල ප්‍රෝටීන් බහුලයි.

වට්ටක්කා පොත්තේ කැල්සියමි අධිබව සහ වට්ටක්කා වල බීටා කැරෝටින් අඩංගුයි සිරුරට අවශ්‍ය විටමින් A ලබාදේ.වට්ටක්කා වල ඇති කුසගින්න ඇතිකරන ගතිය මගින් ශෝකී අවස්ථාවක අපට ඇතිවන බඩගිනි ⁣හැඟෙන් නැතිකම දුරු කරයි.හරි හැටි අහරක් නොලැබීම නිසා ඇතිවන මලබද්ධය දුරුකරයි.

මේවා පිසින්න යොදාගන්නා පොල්කිරි නිසා අවශ්‍ය මේදය ඇති තරම් ලැබේ.
මේදය හා විටමින් ඇත්නම් මේදයේ දියවෙන විටමින් වර්ග පහසුවෙන් ශරීරගත වෙයි සිරුරේ වියලුම අඩු කරයි.

මේවා සම්ප්‍රදායානුකූලව පැවත එන දේශීය ආහාර රටාවේ ඇති විශ්මිත හාස්කම් නොවේද?
මෙවැනි වටිනා දේ මතු පරපුරටද ගෙනයන එක අපගේ වගකීමක්.අපේ දරුවන්ට ආදර්ශමත් වෙමු.
උපුටා ගැනීමකි ,මුල් හිමිකරුට ස්තූතිය

Click here to see full post on FB

#MirigamaApi #මීරිගමඅපි #Mirigama #මීරිගම