මා අද දින මීරිගම, අම්බනවත්ත පි…

, , Leave a comment

මා අද දින මීරිගම, අම්බනවත්ත පිහිටි මහාබෝධි ළමා නිවාසයට ගොඩ වැදුනේ අපේ තාත්තා අප හැරගොසින් වසර 18ක් පිරීම නිමිත්තෙන් වාර්ෂිකව අප විසින් එම ළමා නිවාසයට කරන පරිත්‍යාග ටික භාර දෙන්න.
එහිදී ළමා නිවසට ඇතුල්වන දොර පළුවේ අලවා තිබුනු පහත ඡායාරූපයේ දැක්වෙන Notice එක දැකලා මට ඇතිවුයේ ඉමහත් සතුටක්.
කැළුම් ශ්‍රීදේව නමැති මේ දක්ෂ ක්‍රීඩකයා මෙවර මීරිගම ප්‍රාදේශීය ලේකම් කොට්ඨාසයේ අන්තර් ක්‍රීඩා සමාජ මළල ක්‍රීඩා තරඟාවලියේ දක්ෂතම ක්‍රීඩකයා. ඔහු මෙවර අපොස සාමාන්‍ය පෙළට මුහුණ දෙන දරුවෙක්.
ඔහු මීරිගමින් මළල ක්‍රීඩා ක්ෂේත්‍රයට නම් තැබූ සැබෑ දක්ෂයන් රාශියක් බිහිකල මීරිගමට අභිමානයක් වූ චන්දන ජයන්ත අමරසිංහ නම් වූ ක්‍රීඩා උපදේශකතුමාගේ තවත් මාහැඟි නිෂ්පාදනයක්.
ඔහු මීළඟට අන්තර් පළාත් තරඟ සඳහා සහභාගීවන්නට නියමිත බව ළමා නිවස්නය භාර නිලධාරිනිය මා සමඟ ප්‍රකාශ කලා.
මම ඇයගෙන් විමසා සිටියා මේ දක්ෂයාට මීරිගමින් මොනාද වෙන්න ඕන කියලා.
ළමා නිවාසයකට පරිවාස නියෝග යටතේ ලබා දුන් දරුවකු විදිහට බොහෝමයක් දුෂ්කරතා මධ්‍යයේ ඔහු මේ ජයග්‍රහණයන් සඳහා ගිය බව.
දුවන්නට පළඳින පාවහන්, පුහුණුවට අවශ්‍ය ඇඳුම් ආයිත්තම්, පෝෂණීය ආහාර ආදී සහජ දක්ෂතාවයට අමතරව ක්‍රීඩකයකුට අවැසි බොහෝ දේ මේ දරුවාට නැති වග.
ඡායාරූපයේ Notice එකට පහළින් තිබෙන්නේ ඔහු දැනට පාවිච්චි කරන ක්‍රීඩා පාවහන් යුගලයේ Size එක.
මීරිගමින් දක්ෂ ක්‍රීඩකයන් බොහෝමයක් ඉතිහාසය පුරාවට බිහිවී තිබෙනවා.
ඒ අතුරින් මේ පුංචි කොලු ගැටයා අතිවිශිෂ්ඨයකු වන්නේ.මීරිගමටම තියන එකම ළමා නිවාසයේ හැදී වැඩෙන දරුවකු විලස සිටිමින් මේ ජයග්‍රහණයන් ලඟා කර ගැනීමයි.
ඔබට හැකියාවක් තිබෙනවා නම්; මේ දක්ෂයාට මීරිගමින් ලොවක් දින්නන්ට අවශ්‍ය උදව්ව,තල්ලුව දෙන්න.
ළමා නිවාසයේ පාලිකාව අමතා වැඩි විස්තර ගන්න පුලුවන්. පුලුවන් නම් ළමා නිවාසයට ගොඩ වැදිලා මේ දරුවත් එක්ක කතා කරලා බලනවා නම් ගොඩක් වටිනවා.ඒ වගේම මීරිගම ක්‍රීඩා නිලධාරී Suresh Kumar මහතා සහ Chandana Amarasinghe මහතා සම්බන්ධ කර ගෙන මේ දරුවා පිළිබඳ සොයා බැලීමක් කරනවා නම් බොහෝ වටිනවා.

ළමා නිවාසයේ පාලිකාව 0769714648 මෙම අංකයෙන් සම්බන්ධ කර ගන්න පුලුවන්.

ඒ වගේම මේ අමාරු කාලෙ ඉඳල හිටල දවසක මේ ළමා නිවාසයට ගොඩ වැදිලා හාල් කිලෝ එකක්, පරිප්පු,කඩල,කවුපි,මුං ඇට ටිකක්,සබන් කෑල්ලක් දෙකක්, පොතක් පැන්සලක් පෑනක් දීලා යනවා නම් ගොඩක් වටිනවා.
#උදව්වක්
#මීරිගම

Click here to see full post on FB

#MirigamaApi #මීරිගමඅපි #Mirigama #මීරිගම