මා වෙත විශ්වාසනීය ලෙස ලැබුණු ආ…

, , Leave a comment

මා වෙත විශ්වාසනීය ලෙස ලැබුණු ආරංචි අනුව මීරිගම සමූපකාර ඉන්ධන පිරවුම් හල මුද්‍රා (Seal) තබා තිබෙන අතර එහි ඉන්ධන පිරවුම් හල් බලපත්‍රය (License) එක පවා අත් හිටුවීමට කටයුතු ඉදිරියේදී සිදුවන්න ට නියමිතයි.
මෙම සිදුවීමට ආසන්නතම හේතූන් වී ඇත්තේ, ඉන්ධන නිකුත් කිරීමේදී අල්ලස් ලබා ගැනීම (මත්පැන්,දුම්වැටි සහ කට ගැස්ම) මුදල් ලබා ගැනීම, යාලු හිතවත්කම්, බලපුලුවන්කාරකම් ආදිය මත ක්‍රියා කිරීමයි.
මේ සිදුවීම් බොහෝමයක් රාත්‍රී කාලයේ පිරවුම් හල වසා තැබීමෙන් පසුව මධ්‍යම රාත්‍රියේදී සහ අළුයම් කාලයේදී සිදුව ඇති බව තතුදත් අය ප්‍රකාශ කලා.
මෙවැනි සිදුවීම් හේතුවෙන් ගම්පහ දිස්ත්‍රික්කයේ පිරවුම් හල් හතරක් මෙලෙස මුද්‍රා තබා ඇතිබවයි ආරංචිය.
මීරිගම ප්‍රධාන පෙලේ ව්‍යාපාරිකයන්ට, ගල් වලවල් හිමිකරුවන්ට සහ හිතවතුන්ට මෙලෙස ඉන්ධන නිකුත්වී තිබෙනවා.
පෝළිම් වල රැඳී සිටි මීරිගම සාමන්‍ය පුරවැසියන්ට සීමා කිරීම් (රු 1000/- ,2000/-) වලට යටත්ව ඉන්ධන ලබා දුන් මේ පිරවුම් හල් සේවකයින් රාත්‍රී කාලයේ හිතවතුන්ගේ වාහන වලට කට පිරෙන්න තෙල් ගසා බූලිද පුරවා දී තිබෙනවා.
රජයේ වාහන වලට පමණක් නොවෙයි.රාජ්‍ය සේවකයන්ට පවා ඉන්ධන දෙන විට සීමා කිරීම් සහ Theory දැමූ මොවුන් මුදලට සහ බලයට යටත් වෙලා ඇතිබව තමයි දැන ගන්න තිබෙන්නේ.
ඉන්ධන තොග ඉතිරිව තිබියදී ඉන්ධන නොමැති බව පවසා පිරවුම් හල අසල රැඳී සිටි ජනතාව පිටත් කර පෑල දොරෙන් මේ ජාවාරම ජයටම කෙරී තිබෙනවා.
මීරිගම පැරණිම ඉන්ධන පිරවුම් හල සමූපකාර පිරවුම් හලයි. සමූපකාර ක්‍රමය ටී.බී ඉලංගරත්නයන් හඳුන්වා දෙන්නේ ගමේ මිනිස්සුන්ට සහන සලසන්න.
එහෙව් සමූපකාර ක්‍රමයට අද වෙනකොට හෙණ වැදිලා ඉවරයි.
මේ හෙණ වදින්නේ මේ වගේ අමනයන්ගේ ක්‍රියා කලාපයන් හේතුකොට ගෙන.
මේ වංචනික සහ අවභාවිතාවට සමූපකාරයේ සභාපති, අධ්‍යක්ෂ මණ්ඩලය වගකියන්නම ඕන.ඔවුන්ගේ අනුදැනුමකින් තොරව මෙවන් කටයුතු සිදුවිය නොහැකි බවයි මේ ගැන කතාකල බොහෝ මීරිගම පුරවැසියන්ගේ මතය.
සමූපකාරයේ Shed License එක නැතිවීම සමස්ත මීරිගමටම පාඩුවක්.
ඒකට වර්තමාන සමූපකාර පරිපාලනය වග කියන්න ඕන. ඔවුන් කල මේ ක්‍රියාවන් නිසා මීරිගම සමූපකාරයට ආදායම් ගලා ආ මූලිකම මූලශ්‍රයක් වැසී යන්නේ.
ඒ වගේම මීරිගම ප්‍රදේශයේ ප්‍රාදේශීය ලේකම් කාර්‍යාලය,පොලිසිය,සුරාබදු, වන ජීවී, ආදී රාජ්‍ය ආයතන සියල්ලටම ඉන්ධන සැපයුවේ මේ පිරවුම් හලෙන්.ණය පදනම මත සහ කූපන් ක්‍රමයට.
මේ සියල්ල අද වන විට විනාශයට ඇද දමන්න සමූපකාර පරිපාලනය සහ පිරවුම් හල් සේවකයන් කටයුතු කර අවසන්.
#අවධානයට
#මීරිගම

Click here to see full post on FB

#MirigamaApi #මීරිගමඅපි #Mirigama #මීරිගම