මීරිගම ඉන්දන පිරවුම්හල් හිමිය…

, , Leave a comment

මීරිගම ඉන්දන පිරවුම්හල් හිමියන් වූයේ එදා එක්සත් ජාතික පාක්ෂිකයන්ය. නොයෙල් සමරනායක මහතාත් සරත් පෙරේරා මහතාගේ අදීනුත් ඔවුන්ය. සිරිමාවෝගේ කාලයේ සෑම මැතිවරන කොට්ඨාසයකම විවිධසේවා සමූපකාරයට ඉන්දන පිරවුම්හලක් ලබාදීම මත මීරිගම විවිධසේවා සහූපකාරයටද ඉන්දන පිරවුම්හලක් ලැබුනි. එදා ශිවා ඔබයසේකර මැතිනිය මන්ත්‍රීනිය වූ කාලයේ සමූපකාර ඉන්දන පිරවුම්හල ඉතා ජනප්‍රියීමට හේතුවූයේ තරගකාරී නොයෙල් සමරනායක මහතාගේ පිරවුම්හලේ උඩඟු සේවා සැපයීමයි. මේවනවිට සරත්පෙරේරා මහතාගේ ඉන්දන පිරවුම්ගහල රජයට පවරාගත් ඉන්දන පිරවුම්හල විය.නමුත් නොයෙල් සමරනායක මහතාගේ බූදල් ගැටලුවක් මත මීරිගමට එම පිරවුම්හලද අහිමිවිය . වර්ෂ ගනනාවක් මීරිගම සිට ගිරිඋල්ල තෙක් මීරිගම සිට දිවුලපිටිය තෙක් මීරිගම සිට වරකපල තෙක් මීරිගම සිට වේවැල්දෙනිය තෙක් මීරිගම සිට නිට්ටඹුව තෙක් ඉන්දන සැපයීමේ ඒකාධිකාරය මීරිගම විවිධසේවා සමූපකාරයට හිමිවිය. 1977එජාප ජයග්‍රහණයෙන් පසු ව ඉන්දන පිරවුම්හලක් ලබාගැනීම සදහා සරත් පෙරේරා මහතා නොගත් උත්සාහයක් නැත. අවසානයේදි ඔහු පොදුජන එක්සත් පෙරමුණට සම්බන්ධවී ධනය වැයකරමින් ගම්පහ දිස්ත්‍රික්කයේ මීරිගමින් පලාත් සභා මන්ත්‍රීවරයෙකුව බස්නාහිර පලාත් සභාව නියෝජනය කලේය. ආනන්ද රනවීර පලාත්සභා මන්ත්‍රීවරයාට මෙන් ජනතාව අතර රැදීමට අපහසුවූ ඔහු ඉදිරි මැතිවරනයේදී පරාජයට පත්විය. එය ආශීර්වාදයක් කරගත් ඔහු තම ව්‍යාපාර නවමු අයුරින් මෙහෙයවින් මීරිගම නගරයේ කොටසක් පැරනි ගාමිනී සිනමාහල අසලට රැගෙනයාමට සමත්විය.කෙසේවුවද දේශපාලන සබදතා සහ මුදල් ආයෝජන හැකියාව මත යලිත් වරක් ඉන්දන පිරවුම්හලක් ලබාගැනීමටද ඔහු සමත්විය. අදවනවිට ආකර්ෂණීය පිරවුම්හලක සේවාව ඔහුගේ පිරවුම්හලින් මීරිගමට ලබාදේ. සරන ගුනවර්දන මහතා ඛනිජ ⁣තෙල් සංස්ථාවේ බලධාරියෙකු වූ යුගයේදී රටපුරා නව ඉන්දන පිරවුම්හල් රැසක් බිහිවීමද වෙනත් කතාවකි.දැන් මීරිගම ආසනය තුල ඉන්දන පිරවුම්හල් 13ක් ඇත. සිරිමාවෝ ඇතිකල ඉන්දන පිරවුම්හල්වලින් 200 ක් මුලින්ද පසුව තවත් කොටසක්ද ඉන්දියන් ඔයිල් සමාගමට පැවරීමට චන්ද්‍රිකා බන්ඩාරනායක මහත්මියට සිදුවීම දෛවයේ සරදමක් යයි සිතේ . එදා මේ සියළු ඒකාධිකාරය සමූපකාර ඉන්දන පිරවුම්හලටත් වේවැල්දෙනියේ ඉන්දන පිරවුම්හලටත් හිමිවිය .සමූපකාරය පාලනය කරන ඉන්දන පිරවුම්හල ⁣පුද්ගලික ව්‍යාපාරයක් නොවේ. එය ජනතා ව්‍යාපාරයකි.අපේ තාත්තලාගේ රුපියලේ කාසියෙන් බිහිකල සුබසිංහ මහතාගේ අපූරු සංකල්පය විය. අප ගම්වල ඇති සමූපකාර සමිතිවලින් බිහිවන කාරක සභිකයන් අතුරින් අධ්‍යක්ෂ මන්ඩලයක් සහ ඒ අතරින් සභාපතිවරයෙක්ද පත්කර සමූපකාර කොමසාරිස්වරයා යටාත් නිරංතරයෙන් විගනනයට ලක්විය යුත ආයතනයකි. එහෙත් ජනතා පාපය ඉතා බලවත්ය . අද සමූපකාර ඡන්දයද බලු පොරයකි. පලාතේ ⁣දේශපාලන බලවතා කාරකසභාව පත්කරන ව්‍යාපෘතිය අතට ගනී පුද්ගලික ⁣ලේකම් සභාපති කරවයි . ලගම හිතවතුන් අධ්‍යක්ෂ මන්ඩලය කරවයි. ආයතනය හොර ගුහාවක් බවට පත්වේ. එම ක්රියාවලියේ තවත් ප්‍රතිපලයක් ලෙස සමූපකාර ඉන්දන පිරවුම්හල මීරිගමට අහිමිවිනි.

Click here to see full post on FB

#MirigamaApi #මීරිගමඅපි #Mirigama #මීරිගම