මීරිගම කලක සිට තියෙන ලොකුම ගැට…

, , Leave a comment

මීරිගම කලක සිට තියෙන ලොකුම ගැටලු වලින් එකක් තමයි වාහන නැවැත්වීමට ඇති ඉඩ පහසුකම් අවම වීම. අධිවේගී පිවිසුම එන්න බොහෝ කලකට පෙර ඉඳන් මේක තියෙන්නෙ. තත්වය පාලනය කරන්න ඔත්තේ ඉරට්ටේ ක්‍රමයට දවස් දාල වැඩි හරියක් මාර්ග දෙපස No Parking සීමා ලෙස සඳහන් කලාට පස්සෙ තත්වය තවත් ඔඩු දුවපු එක විතරයි වුනේ. පා පැදි සහ මෝටර් බයිසිකල් කොහොම හරි තියෙන ඉඩේ එක පොදියට නැවැත්තුවට පස්සෙ ආයෙ ගොඩක් දුරට වාහනයක් නවත්තගන්න එක ලේසි වැඩක් නෙමෙයි. සමහර අය No Parking තියෙන තැන්වලත් වාහන නවත්තන්නෙ කරගන්න දෙයක් නැතිම තැන.

ළඟ කඩයකට යන්න කෙටි කාලයකට වාහනය හැකි තරම් අයින් කරල නැවැත්තුවත් වාහනය පාරට වැඩියෙන් හිටිනවමයි. ඇයි අයිනෙම බයික් නවත්තල තියෙනව. ඊට පස්සෙ ට්‍රැෆික් පොලිස් ඇවිත් වාහනේ කවුරුත් හිටියෙ නැත්තන් හෝ බොහෝ වෙලාවක් හිටියොත් දඩයක් ලියාවි. නැත්තං මේ වාහනය ගන්න මෙතන නවත්තන්න එපා කියල යවනව. නමුත් වාහනය ගන්න කිව්වට ආයෙත් නවත්තන්න ගියාට තැනක් නැහැ. නවත්තනව නම් සේරම කඩවල් පහුකරන් නගරයට ඈතට ගිහින් නවත්තල පයින් ආපහු හැතැප්මක් විතර එන්න ඕනෙ. ඇවිත් බඩුබාහිරාදිය කර තියාගෙන ආය යන්න ඕනෙ වාහනයට.

අලුත් බස් නැවතුම්පොළට යාබදව පාකිං අවකාශයක් හදල තියෙනව. නව වාණිජ වෙළෙඳ සංකීර්ණය හොඳ සැලසුමකට වාහන නවත්වන්න හදල තියෙනව. ඒක ඇත්තටම හොඳ වැඩක්. නමුත් ඒක හරියන්නේ ලංකා බැංකුව තියෙන හරියට යන තෙක් විතරයි. ප්‍රායෝගිකව එතනින් එහාට ගැලපෙන විසඳුමක් වෙලා නැහැ කියන එක කාටත් පේනව. වැඩියෙන්ම තදබදය ඇතිවෙන්නේ නගරය පහලට යන්න යන්න.

වාහනයකින් ආපු කෙනෙක්ට යන්න ඕනෙ පහල බස් නැවතුම්පොළ දිහා තැනකට නම් (සමහර විට විනාඩි 10 ක වැඩක් වෙන්න පුළුවන්) නව බස් නැවතුම්පොළට යාබද පාකිං එකේ වාහනය නවත්තල අර තරම් දුර පයින් යාවිද?

නගරයට ඇවිත් අවශ්‍ය දෙයක් අරගෙන යන්න (විශේෂයෙන් රෝද හතරේ වාහනයක) එන කෙනෙක්ට මේක බහුලව මීරිගම නගරයේ දකින්න තියෙන එදිනෙදා ගැටලුවක්. සමහර අවස්ථාවල නවත්තගන්න තැනක් ලැබෙනකම් ඉන්ධන පුච්චගෙන නගරයේ එහා කොණේ සිට මෙහා කොණට පස් හය වතාවක් එහාට මෙහාට යන අය ඉන්නව, තමන්ට යන්න ඕනෙ ස්ථානයට කිට්ටුවෙන් නවත්තගන්න තැනක් ලැබෙයි කියන අපේක්ෂාවෙන්. එහෙම ඉඩක් ලැබෙන්නෙත් සෑහෙන වෙලාවක් ගිහිල්ල.

දැන් අධිවේගී පිවිසුමත් එක්ක තත්වය තවත් බැරෑරුම් වෙලා කියල කවුරුත් දන්නව. දිවුලපිටිය පාරට හැරෙන තැන බෝගහ ගාව හන්දියේ මොනතරම් ට්‍රැෆික් එකක් ඇතිවෙනවද කියල හැමෝම දන්නව. මිනිසුන් පැයකටත් වඩා පාරේ සෑහෙන තරම් රස්තියාදු වෙනව මේ නිසා. වාහනයක නම් මීරිගම නගරයට නොඑන තරමට හොඳයි කියන තත්වයට දැන් ඇවිත් තියෙන්නෙ.

කවුරුත් නගරයට එන්නේ තම අවශ්‍යතාව ඉටුකරගන්නට අවශ්‍ය වූ වෙලාවට මිසක් වාහන අඩු වෙලාව බලල නෙමෙයිනෙ. ඉතින් ඇත්තටම මේක නගරයේ කාලීන ගැටලුවක්. ඒ සඳහා නගරය තුල මේ ගැටලු තත්වයන් සම්බන්ධයෙන් යම් ආකාරයක හෝ විසඳුම් සැකසිලා නැතිද?

Click here to see full post on FB

#MirigamaApi #මීරිගමඅපි #Mirigama #මීරිගම