මුහුණු ආවරණ නීතිය තවදුරටත් ලිහිල් කෙරේ..!
කොවිඩ් – 19 පැතිරීම වැළැක්වීම සඳහා පනවා තිබූ මුහුණු ආවරණ අනිවාර්ය කිරීමේ නීතිය තවදුරටත් ලිහිල් කොට තිබෙනවා.
ඒ අනුව එළිමහන් ස්ථාන වල මෙන්ම නිවාස හෝ ගොඩනැගිලි අභ්‍යන්තරයේත් මුහුණු ආවරණ පැළඳීම 2022 ජූනි 10, එනම් හෙට සිට අනිවාර්ය නොවන බව සෞඛ්‍ය සේවා අධ්‍යක්ෂ ජනරාල්වරයා විසින් නිවේදනය කර තිබෙනවා.
කෙසේ නමුත්, උණ, කැස්ස, සෙම්ප්‍රතිශ්‍යාව වැනි ශ්වසන රෝග ලක්ෂණ සහිත පුද්ගලයින් එවන් අවස්ථාවල මුහුණු ආවරණ පැළදීම දිරිමත් කෙරෙනවා.
එමෙන්ම පෙර පරිදි දිගින් දිගටම මුහුණු ආවරණ පැළඳීමට යම් කෙනෙක් කැමැත්තක් දක්වන්නේ නම්, මෙම සංශෝධනය ඊට කිසිදු බාධාවක් නොවිය යුතු බව තවදුරටත් දක්වා තිබෙනවා.
කොවිඩ් – 19 වසංගත තත්වය මෙලෙස සතුටුදායක ලෙස පාලනය කරගැනීමට, සියලු රෝග නිවාරණ කටයුතු වලට දැඩි සහයෝගයක් ලබාදෙමින් උපකාරී වූ සියලූම පාර්ශවයන්ට සහ වගකීම් සහගත පුරවැසි ඔබ සැමට අපගේ හෘදයාංගම ස්තූතිය පිරිනැමීමට මෙය අවස්ථාවක් කර ගන්නවා.
Click here to see full post on FB
#MirigamaApi #මීරිගමඅපි #Mirigama #මීරිගම