මේක ඊයෙ මට වුණු සිදුවීමක්. මහල…

, , Leave a comment

මේක ඊයෙ මට වුණු සිදුවීමක්. මහලොකු දෙයක් නෙවෙයි කියලා ගනන් නොගෙන සිටියත් දැන් දැන් අහන්න දකින්න ලැබෙන දේවල් නිසා මේ ගැන කියන්න හිතුවා.

ඊයේ මං අවශ්‍යතාවයක් නිසා ටවුන් එකට යන්න බස් එකට නගින්න පාරෙ ඇවිදන් යන ගමන් හිටියෙ. එතකොට වෙලාව 9.15ට විතර. මේක සිද්ධ වුණේ මල්ලැහැව වේයන්ගොඩ පාරෙ මීරිගම නිට්ටඹුව ප්‍රධාන පාරට යාබදව. කොහොම හරි මං බස් එකට නගින්න යද්දි කලු සහ කහ ස්කූටරයකින් කලු මනුස්සයෙක් මං යන ඉස්සරහට ඇවිත් බයික් එක ස්ලො කළා. මං ගණන් නොගෙන යන්න හදද්දි,

“මාව අඳුරගන්න බැරි උනාද?”

කියලා මගෙන් ඇහුවා. දැකලා හුරු බවක් නොතිබ්බත් ආයෙමත් මං හැරිලා බැලුවා. ඇත්තටම දැකලා හුරු මූණක් නෙවෙයි නිසා මං කතා නොකරම ගණන් ගන්නැතුව ගියා. ඒ මනුස්සයා අවුරුදු 35ක 40ක විතර උඩ රැවුලක් තියෙල කලු මනුස්සයෙක්. කරේ රත්තරන් පාට මහත මාල තුනක් තිබ්බා.

කොහොම හරි ඒ මනුස්සයට වැරදීමක් වෙන්නැති කියලා මං හිත හිත ගිහින් නවත්තලා තිබ්බ බස් එකට නැග්ගම ඒකෙ ඉඳගෙන හිටපු නැන්දා කෙනෙක් තව එක්කෙනෙක්ට කියනවා, මගදි මිනිහෙක් හම්බෙලා අඳුරනවද ඇහුවා. ගිහින් දාන්නද කියලත් ඇහුවා කියලා. ඊට පස්සෙ මං කිව්වා මේ දැන් මටත් එහෙම උනානෙ කලු මනුස්සයෙක් නේද කහයි කලුයි ස්කූටියක ආපු කියලා. ඊට පස්සෙ එයා කිව්වා ඔව්නෙ මගෙනුත් ඇහුවනෙ අඳුරන්න බැරිද නගින්න ගිහින් දාන්නම් කියලා. ඒ නැන්දා ඒ මනුස්සයා එක්ක කතා කරලා. එයාලගෙ ගෙදර ගරාජ් එකක් තියෙන නිසා එයා හිතලා තියෙන්නෙ එතනට එන මනුස්සයෙක් කියලා. ගිහින් දාන්නම් කියලා බල කලාලු. එයා කියලා ඕන්නෑ බස් එක තියෙනවා ඒකෙ යන්නම් කියලා. ඊට පස්සෙ කිව්වලු බස් එක තිබ්බට අද යන්නෙ නෑ කියලා. එයා බයවෙලා ඉක්මනට ගිහින් බස් එකට නැගලා. ඊට පස්සෙ මං ඒ නැන්දගෙන් ඇහුවා ඔයා රත්තරන් බඩු මොනවා හරි දාගෙන ඉන්නවද කියලා. ඊට පස්සෙ ඒ ගෑණු කෙනා පෙන්නලම කිව්වා අනේ නෑ මේ කනේ කරාඹු දෙකවත් නෑ කියලා. ඒ මනුස්සයා හොඳටම බයවෙලා හිටියෙ.

ඔහොම දෙයක් දන්නවා නම් බයික් එකේ 4to එකක් හරි ගහගන්න තිබුණා. බස් එකේ යද්දිත් මං පාර දෙපැත්ත බල බල ගියේ අර මිනිහා ඉන්නවද කියලා. ඒත් පේන්න හිටියෙ නෑ. ඒ වගේම මේක fb එකට දාන්න හිතුවෙ අපේ පැත්තෙ ඇන්ටි කෙනෙක්ගෙ දුවටත් මේ සිද්දියම වෙලා ඊයෙ දවල්. එයා අද කියද්දි මං උඩ ගියා. කියපු හැඩරුවත් බයික් එකත් අර මිනිහම තමයි. එයාගෙ දුවට කියලා එන්න ඉස්කෝලෙ ගාවින් දාන්නම් කියලා. එයාටත් බල කරලා. එයා ගිහින් නෑ.

සුලුවට තැකුවට ඒ සිද්ධියෙ භයානකකම තේරුණේ මට එතකොටයි. මං දන්නෙ නෑ ඒ මොනවට එන මනුස්සයෙක්ද කියලා. මහත කඹ වගේ රත්තරන් පාට මාල දාගෙන ඉන්නකොට කතාකරපු ගමන් යන්න ගෑණු අපි ලෑස්තිවෙලා ඉන්නව කියලා සමහරවිට හිතනවා ඇති. ඒ මොන දේ උනත් පොඩි දරුවෙක් එහෙම අඬගැහුවොත් ඉස්කෝලෙ ගාවින් දාන්නම් ගෙදර ගාවින් දාන්නම් කියලා නොතේරුම් කමට යන්න ඉඩ තියෙනවා. අද සමාජෙ හරිම භයානකයි. කිසිම දෙයක් සුලුවට ගන්න හොඳ නෑ. පොඩි එකෙක්ට තියා මහ මනුස්සයෙක්ටවත් පාරක බැහැලා යන්න බැරි සමාජයක් මේක. ඇත්තටම අර මනුස්සයා ආපු බයික් එකේ අංකයක්වත් බලාගන්න බැරිවුණ එක ගැන හරිම කනගාටුයි. ගැහැණු හෝ වේවා පිරිමි හෝ වේවා නාඳුනන සැක සහිත මිනිස්සු එක්ක ඕනවට වඩා කතාවට යන්න එපා. හැමෝම හොඳ කල්පනාවෙන් පරිස්සමෙන් ජීවත් වෙන්න කියලා ඉල්ලනවා.

|

සෙව් ගුණසේකර
උපුටා ගැනීමක්

Click here to see full post on FB

#MirigamaApi #මීරිගමඅපි #Mirigama #මීරිගම