මේ ගෙවෙනා කාල පරිච්ඡේදය අපි කා…

, , Leave a comment

මේ ගෙවෙනා කාල පරිච්ඡේදය අපි කාට කාටත් ආර්ථිකමය වශයෙන් ඉතා අපහසු කාලයක්.
මා ඊයේ මගේ දරු දෙදෙනා වෙත නව පාසල් වර්ෂයට අවැසි අභ්‍යාස පොත් ලයිස්තුවහි සඳහන්ව තිබූ,පෑන්,පැන්සල්,පාට පැන්සල්,මකන කෑලි,කෑම සහ පැන්සල් පෙට්ටි වගේම බෑග් ආදී අවශ්‍ය උපකරණ මිලදී ගත්තා.එය මගේ පසුම්බියටත් ටිකක් දැනුනා.
ඒ දැනුන දේත් එක්ක මට හිතුන දේ…
“මට මෙහෙම දැනෙනවා නම්, මීරිගම අපේ ගම් දනව්වේ ඉන්න අහිංසක දුප්පත් දරුවන්ගේ දෙමාපියනට මේ බර කොහොම දැනෙනව ඇතිද?” යන්නයි.
ඒ නිසාවෙන්ම උදේ නැගිට්ට ගමන් “මීරිගම අපි” සමූහයේ අපි කරගෙන ආපු සත්ක්‍රියාවන් දෙකේදිම මාත් එක්ක හිටිය Naleen අයියා සහ අනෙත් පිරිසට message එකක් තැබුවා.
අපි මීරිගම ඉන්න මේ වෙලාවේ තම ළමයින්ට පොත් පත් ටික අරන් දෙන්න බැරි දෙමාපියනට සවියක් වෙමුදැයි..අහලා…
සියල්ලන්ම එකඟත්වය පල කරේ එක පයින්ම.
ඒ අනුව “මීරිගම අපි” සමාජ මාධ්‍ය එකමුතුවේ “තුන්වන සත්ක්‍රියාව” ලෙසින් මීරිගම දරිද්‍රතාව නිසාවෙන් අපහසුතාවට පත් අපේම දරුවන්ට හෙට දින අකුරු කරනට අවැසි පාසල් පොත් ලයිස්තුව සහ පාසල් උපකරණ ටික මිලදී අරන් දෙන්නට “මීරිගම අපි” සමූහයේ සාමාජික ඔබගේ දායකත්වය ලබා දෙන්නට ඇරයුම් කරනවා.
මීරිගම ප්‍රාදේශීය ලේකම් කොට්ඨාසයේ ග්‍රාම නිලධාරී වසම් 149 අතුරින් තෝරාගත් පාසල් දරුවන් 200 කට රු 2000/- ක වටිනාකමින් යුත් පාසල් පොත් පත් සහ උපකරණ කට්ටිය බැගින් ලබා දීමටයි, මෙවර සූදානම…
“මීරිගම අපි” සමාජ මාධ්‍ය සමූහය ඔබ සමග එකතුව පූර්වයෙන් කලාවූ පාසල් පාවහන් ප්‍රදානය සඳහා වූ “සිඟිති දෙපයට මිරිවැඩිසඟලක්” සහ මීරිගම රෝහල වෙනුවෙන් කල “මීරිගමට හුස්මක්” සයිබරයේ සත්ක්‍රියාවන් හි සාර්ථකත්වයට උර දුන් ඔබ මේ පුණ්‍යකර්මයේදීත්, අප සමඟ සිටිනා බව විශ්වාසයි.
සයිබරය වඩාත් යහපත් සමාජ වැඩදායී ඉසව්වක් කරා රැගෙන යමින්, මීරිගම අපේ අනාගත දරුකැලට අකුරු කරනට අත්වැලක් වෙමු.
#අකුරුකරනටඅත්වැලක්

Click here to see full post on FB

#MirigamaApi #මීරිගමඅපි #Mirigama #මීරිගම