සහන්යා රෝහලින් මා හට සිදුවූ අසාධාරණය මෙලෙස සටහන් කරමි.
මාගේ ගෙල ප්‍රදේශයෙහි තයිරොයිඩ් ග්‍රන්ථියේ පවතින ඉදිමුමක් හේතුවෙන් මා 2023 පෙබරවාරි 6 වෙනිදා සහන්යා රෝහලේ Ultra Sound පරීක්ෂණයකට ඉදිරිපත් විය. එය සිදු කරන ලද්දේ මීරිගම රෝහලේ එම අංශය බාර වෛද්‍යවරයා විසින් වන අතර ඔහු ලබා දුන් වාර්තා වල කියැවුනේ මෙම ඉදිමුම සැක සහිත බවත් තවත් පරීක්ෂණයකට යොමු විය යුතු බවයි.
ඉන් පසු මා කලක පටන් තයිරොයිඩ් රෝගයට ප්‍රතිකාර ලබා ගන්නා වෛද්‍යවරයා හමුවී මෙම වාර්තා ඉදිරිපත් කල අතර ඔහු ප්‍රකාශ කලේ එම පරීක්ෂණය අත්‍යවශ්‍ය නොවන බවයි. නමුත් මා ස්ව කැමැත්තෙන්ම Ultra Sound හා අදාල පරීක්ෂණයට යොමු වූ අතර, එම Ultra Sound පරීක්ෂණ ප්‍රතිඵල තුලින්ම මෙම ඉදිමුම සැක සහිත නොවන බව එම වෛද්‍යවරයා ප්‍රකාශ කරන ලදී. අදාල පරීක්ෂණ ප්‍රතිඵල තුලින් එය නැවතත් තහවුරැ වූ අතර එම වෛද්‍යවරයා ප්‍රකාශ කලේ සහන්යා රෝහලින් නිකුත් කල වෛද්‍ය වාර්තා වැරදි සහගත සහ නොමග යවන සුළු වාර්තා බවයි.
මේ සිදුවීම තුලින් මා හට විශාල මූල්‍යමය පාඩුවක් සිදුවූ අතර මානසිකවද බොහෝ කැළඹීමට ලක් විය. මා මෙම සාවද්‍ය වාර්තා පිළිබඳව සහන්යා රෝහලේ අධ්‍යක්ෂිකාව ලිඛිතව(2023 පෙබරවාරි 22) දැනුවත් කල අතර එම සිදුවීම සම්බන්ධයෙන් මා හට සාධාරණයක් විය යුතු බව මාගේ අදහසයි. එමෙන්ම මේ ආකාරයටම තවත් රෝගීන් අපහසුතාවයට පත් නොවන ආකාරයට මෙම ආයතන දැනුවත් විය යුතු බව දැනුම් දෙමි.
Click here to see full post on FB
#MirigamaApi #මීරිගමඅපි #Mirigama #මීරිගම