The Dancing Girls of Lahore
සිංහල පරිවර්තනය: හීරාමණ්ඩි අභිසාරිකාවෝ
කර්තෘ: ලුයිස් බ්‍රවුන්, පරිවර්තනය: එන්.පී.විජේරත්න
ප්‍රකාශනය: ආශිර්වාද- මීරිගම. 0753222291 / 0753008008
මෙය පාකිස්තානයේ පැරණි සම්භෝග දිස්ත්‍රික්කයේ ආදරය අලෙවිකිරීම සහ සිහින සුරැකීම පාදක කරගත් කථාවකි. මෙහි පවතින වැදගත් හා වශීකාරක ස්වභාවය වෙන්නේ පාකිස්ථානයේ ගණිකා වෘත්තිය ගැන උනන්දුවක් නොදක්වන අය පවා මෙම පොතට සහමුලින්ම ඇදී යාමය.
ලාහෝරයේ නැට්ටුක්කාරියන් හෙවත් අභිසාරිකාවෝ වාසය කරන්නේ හීරාමණ්ඩියේ මහ පල්ලියේ සෙවනැල්ල වැටෙනතෙක් මානයේය. මෙම පැරණී කොට්ඨාශයේ මායිමට පිටතින් විසි එක්වැනි සියවසේ සෙවනැල්ල වැටී ඇති නමුත් කොටුව ඇතුලේ වෙසෙන අයටඒ ගැන අසාවත් නැති තරම්ය.
ඔවුන්ගේ ජීවන රටාව නිවැරදි ලෙස ගණිකා වෘත්තිය ලෙස හැඳින්විය හැකි වුවත් එම නාට්‍යාංගනාවන් සතුව කීර්තිමත් ඉතිහාසයක් පවතී. අධිරාජ්‍යයන්ගේ මෙන්ම නවාබ්වරුන්ගේ ද ආදරයට ලක්වූ ඔවුන් සතුව මෝගල් සංස්කෘතියේ හොඳම අංශ අයත්ව පවතී.
වර්තමාණ බොලිවුඩ් සෞන්ධර්යය, එහි විචිත්‍ර සංදර්ශන, සංගීතයට හා නැටුම්වලට ඇලුම්කිරීම ඔවුන්ගේ දුරස්ථ උරුමය බවට පත්වී ඇත. එහෙත් මෙහි කථා නායිකාව වන මාහා සහ ඇගේ දියණියන් තිදෙනා ගත කරන ජීවිතය පම්පෝරි ගැසීමට හැකිවෙන ආකාරයේ එකක් නොවේ. ඔවුන් නියැලෙන කාර්යය ඉස්ලාමය මගින් තහනම් කර ඇතත් ඉවසා සිටීම කෙරෙන්නකි. ඔවුන් සැලකෙන්නේ ගන්දි හෙවත් අපිරිසිදු ගණිකාවන් ලෙසය. මාහා මෙන්ම ඇගේ දියණියන් ද උපත ලබා ඇත්තේ අදාළ ව්‍යාපාරයේ නිරතවීමට හෙයින් ඔවුන්ට එයින් ඉවත්වී යා නොහැකිය.
සමාජ විද්‍යාඥවරියක වූ ලුවිස් බ්‍රවුන් පුරා වසර හතරක් තිස්සේම ලාහෝරයේ නර්තන දැරියකගේ පවුල් ජීවිතය පිළීබඳව සමීප අධ්‍යයනයක යෙදුනේය. ඇය එම පවුල හා අදාළව ඉතා හොඳ වැහෙීමකින් යුතුව නවකතාකාරියකගේ ද තියූණු ඇස් යොමු කර “හීරාමණ්ඩි අභිසාරිකාවෝ” කථාව ගොඩ නගා ඇත.
මෙහි කථා නායිකාව වන මාහා ශාස්ත්‍රීය පුහුණුවක් ද සහිත ප්‍රියමනාප හා විශිෂ්ට නර්තන ශිල්පිණියකි. වයස අවුරුදු දොළහේදී ඇයට ධනවත් අරාබි ෂීක්වරයෙකුට ඇගේ කන්‍යාභාවය අලෙවි කිරීමට සිදුවිය. එහෙත් ඇගේ දියණිය වූ නේනා එම වයසට පත්වෙන විට කලින් කළ ආකාරයට පවුලේ අවශ්‍යතා සඳහා මුදල් උපයා ගැනීමට මාහාට නොහැකි වෙයි. ෂීක්වරයෙකුගේ නියෝජියෙක් ඒ අවස්ථාවේ ඇය සොයා ඒම නිසා ඇයට තීරණාත්මක නිගමනයක් ගැනීමට සිදුවෙයි. කථාව ගොඩනැගී ඇත්තේ ඔවුන් එහිදී මුහුණ දෙන දහසකුත් එකක් සිදුවීම් පාදක කරගෙනය.
“හීරාමණ්ඩි අභිසාරඑිකාවෝ” මීරිගම ආශිර්වාද ප්‍රකාශනයකි. අලුතින්ම නිකුත් කරන ලද මෙම අතත් බර පොත මිල කර ඇත්තේ රු. 1,750.00කට පමණය.
ඔවුන්ගේ 0753222291 / 0753008008 යන අංකයක් ඔස්සේ වට්ස්ඇප් මැසේජයක් යොමු කිරීමෙන් ද එය ලබා ගත හැකිය. එමෙන්ම ප්‍රධාන පොත්හල්වලින් ද ලබා ගැනීමේ හැකියාව පවතී.
Click here to see full post on FB
#MirigamaApi #මීරිගමඅපි #Mirigama #මීරිගම