#මීරිගමට_හුස්මක්
#breath_to_mirigama
“මීරිගම අපි”
මීරිගම මූලික රෝහල හි කෝවිඩ් වාට්ටු සංකීර්ණ සඳහා අවශ්‍ය වෛද්‍ය උපකරණ සහ උපාංග පරිත්‍යාග කිරීමේ අරමුණු පෙරදැරිව කල දැනුම්වත් කිරීම ප්‍රකාර අප හිතවත් සංවේදී හදවත් හිමි බොහෝ දෙනකු අප විසින් ආරම්භ කල ගිණුමට මුදල් බැර කරන්නට යෙදුනා.
සමහරු පුද්ගලිකවද මුදල් එවා තිබුනා. ඒ සියළුම ළබැඳියන් වෙත පළමු කොට “මීරිගම අපි” සමූහය වෙනුවෙන් ගෞරවණීය ස්තුතිය පුදකර සිටිනවා.
මීරිගම මූලික රෝහල හි ප්‍රතිකාර ලබන අපේම සහෘද ජනතාව වෙනුවෙන් යමක් කරමු කියන යෝජනාව මුලින්ම අප වෙත ගෙන ආවේ Ishara Riyansi සහෝදරිය විසින්.ඇය විසින් කෝවිඩ් ආසාධිතවූ මීරිගම මිනිස්සුන්ගේ අවශ්‍යතාවන් සොයා බලා යම් උදව්වක් කරමු යැයි කල යෝජනාවත් එක්කම;
මීරිගම රෝහල තුලත් කෝවිඩ් ප්‍රතිකාර සඳහා අවැසි වෛද්‍ය උපකරණ,උපාංග වගේම යටිතල පහසුකම් සම්භධයෙන් අඩුපාඩු පවතින බව අපිට අරංචි වෙනවා.
මේ අල්ලපනල්ලේ Nalinda Gunathilake සහෝදරයා අප පිටුවේ තබා තිබුනු සටහනක් වෙතින්
“මීරිගම අපි” සමූහය හරහා ඒ උදෙසා මැදිහත්වීම කල නොහැක්කේ මන්දැයි විමසා සිටියා..
එම සටහනට බොහෝ සංවේදී හදවත් ඇති “මීරිගම අපි” සාමජිකත්වය ධනාත්මක ප්‍රතිචාර දක්වන්නට පටන් ගත්තා.
ඒ අනුව “මීරිගම අපි” සමූහයේ ආදරණීයම හදවත Naleen Dilruksha අයියාට කතා කලා.ඉන් පසු Pubudu Alahakoon, Yohan Kanishka, Pasindu Hettiarachchi, Priyantha Perera, Sisira P Dharmasena, Asanka C. Kumara සහ Priyanjith Ruwan සමඟින් “සමාජ මාධ්‍ය සත්ක්‍රියාව” ගැන දීර්ඝ වශයෙන් සාකච්ඡා කරනු ලැබුවා.ඒ සඳහා අප විසින් මීට පෙර “සිඟිති දෙපයට මිරිවැඩිසඟලක්” සමාජ සත්ක්‍රියාව උදෙසා භාවිත කල සන්නිවේදන ක්‍රමවේදය යොදා ගැනුනේ සංචරණ සීමා සහ හමුවීම් අවම කරමින්..
ඒ අනුව රෝහල් පාලනාධිකාරය සමග සාකච්ඡා වට කිහිපයක් පැවත්වූ අතර,එහිදී රෝහල් අධිකාරීතුමා ඇතුලු වෛද්‍යවරුන්,හෙද කාර්‍යමණ්ඩලය,වෙතින් අවශ්‍යතාවන් ලිඛිතව ලබා ගන්නට අප කටයුතු කලා.
එකී අවැසිකම් අප පිටුව හරහා විටින් විට ජනගත කරන්න අප කටයුතු කලා..
එබඳු දැනුම්වත් කිරීම් සහ පලකිරීම් සමඟ මීරිගම සහෘද ජනතාව තුල,ව්‍යාපාරික ප්‍රජාවතුල,මීරිගම පිහිටි විවිධ ආයතනික ව්‍යුහයන් තුල පරිත්‍යාගශීලී සිතුවිලි එළියට ගන්න සාධනීය බලපෑමක් ඇති කලා.
ඒ බැව් රෝහල් පාලනාධිකාරය පවා අප එහි ගිය සෑම විටකම මතක් කලා විතරක් නෙවේ අපට ස්තුතිය පුද කලා.
ඒ… “මීරිගම අපි” පිටුවේ ගියාට පස්සේ ගොඩක් අය ආවා…පරිත්‍යාග කලා..කියමින්…
ඒ ඔස්සේ මීරිගම මූලික රෝහල තුල නවීකරණය වෙමින් පැවති කෝවිඩ් වාට්ටු සංකීර්ණ දෙකක කටයුතු ඉක්මනින් අවසන් කර ගන්නටත්,ඒවායේ අවශ්‍යතාවන් පරිත්‍යාග ලෙස ලබාගැනීමට වගේම ප්‍රතිකාර සඳහා අත්‍යාවශ්‍ය වෛද්‍ය උපකරණ සහ උපාංග එකිනෙක එකතු වන්නටත් පටන් ගත්තා.
අප සමූහයේ සතුට වූයේද…එයයි…ගොඩක් දෙනා ටමන් කල සත්ක්‍රියාවන් අප පිටුව සමගින් බෙදාහදා ගන්නත් අමතක කලේ නෑ…
විශේෂයෙන්ම මීරිගමට හුස්මක් දෙන්න අවැසි Oxygen Cylinders රැසක්, විවිධ පාර්ශවයන් විසින් හැකි පමණ රෝහල් පරිශ්‍රය තුල ඒකරාශී කරනට පටන් ගත්තා..
විශාලතම අඩුවක්ව පැවති මිල අධික High Flow Oxygen පද්ධතියක් පරිත්‍යාග කිරීමට රාජපක්ෂ සමූහයේ හිමිකාර Sanjaya,Sandun Rajapaksha සහ “දමින්ද සහල්” සහ දමින්ද සුපර් සමූහයේ අධිපති Nalaka Nandakumara පරිත්‍යාග කරමින් මීරිගම ප්‍රදේශයේ ප්‍රකට ව්‍යාපාරික පවුල් දෙකක් විසින් සිදුකලාවූ දායකත්වයත් මෙහිලා සඳහන් කිරීම වටී..
අප කල ඉල්ලීම් ප්‍රකාර W Samith Danushka සහෝදරයා සහ ඔහුගේ බිරිඳ එකතුව Multi Para Monitor යන්ත්‍රයක් ලබාදීමට දැක්වූ පරිත්‍යාශීලී දායකත්වය වගේම “මීරිගම අපි” මේ වැඩේ ගැන කතා කල පළමු අවස්ථාවේ සිට වැඩේට බැස්ස Shasi සහෝදරයා ප්‍රමුඛ කිතුල්වල තරුණ පිරිස ලබාදුන් ආරම්භය මහා වටිනාකමක් ගෙන ආවා..
තවද මීරිගම ඩී.එස් සේනානායක විද්‍යාලයේ ඉගෙනගත් අපේ ආදරණීය සහෝදර සහෝදරියන් මේ සමාජ සත්ක්‍රියාවේ මහා බරක් ගෙන කටයුතු කලා..ඒ වගේම එම විද්‍යාලයේ ගුරුවරුන්ගේද නොමඳ සහය හිමිවුනේ නිතැතින්.අනෙක් පාසල් වලටද එය වටිනා ආදර්ශයක් වූ බව කිවමනාය.
එලෙසින්ම අප හිතවත් Manoch සහෝදරයා සිය පදනම හරහා ඒ මොහොතේ රෝහලට අත්‍යවශ්‍යව පැවති ආරක්ෂිත ඇඳුම් කට්ටල,මුව ආවරණ,මුව ආවරණ පළිහ ඇතුලු වටිනාකම දෑ දහස් ගණනින් ලබාදීමට කටයුතු කිරීමද,අපේ වැඩසටහනට ලබාදුන්නේ මහත් සවියක්..
තවත් බෝහෝ ය සිටිනවා.
“මීරිගම අපි” ට මේ වැඩේට උදව් කල සැමට පසුව ස්තුතිය පුදකරන්නම්..
තවම අපි පටන් ගත්ත වැඩේ ඉවර කලේ නෑ…
අපි..
මේ… සටහන තබන්නේ…
මීරිගම සමාජ මාධ්‍ය ක්‍රියාකාරිත්වයේ සන්නාම‍ය හිමි
“මීරිගම අපි”
මීරිගමට හුස්මක්…. දෙන්නට අරැඹි
” සයිබරයේ සමාජ සත්ක්‍රියාව” හි පලමු අදියරේ අවසානය සනිටුහන් කරන බව කියන්න..
ඒ අනුව… එළඹෙන 2021 ක්වූ ඔක්තෝබර් මස 8 වන සිකුරාදා දිනයේ
උදෑසන 10 ට….
මේ දක්වා මීරිගම කොමර්ෂල් බැංකු ශාඛාවේ මේ ව්‍යාපෘතිය උදෙසාම විවර වූ ගිණුමට…
අප කෙරෙහි විශ්වාසයෙන්…
මීරිගමට හුස්මක් දෙන්න කියා…
ඔබ….බැර කල දැනට එහි පවත්නා මුදලින් ගන්නට හැකි.. මීරිගම රෝහලේ මේ මොහොතේ පවතින අඩුපාඩු අතුරින්…
අත්‍යාවශ්‍යම වෛද්‍ය උපකරණ සහ වාට්ටුවලට අවශ්‍ය උපාංග ටික අරන් ගිහින් භාර දෙන්න අප තීරණය කලා..
එයට පෙර ඔබ යම් දායකත්වයක් දෙන්නට බලාපොරොත්තු වන්නේ නම් අපව දැනුම්වත් කරන්න.
මූල්‍ය දායකත්වයක් දෙන්නේනම්….ගිණුමට බැර කරන්න…
ඒ වගේම ඔබට හැකි නම් එන්න
“මීරිගම අපි” එක්ක
මේ…..සත්ක්‍රියාවේ කොටස්කරුවකු විලස ලබන සිකුරාදා දහයට මීරිගම රෝහලට යන්නට… 🙏
Click here to see full post on FB
#MirigamaApi #මීරිගමඅපි #Mirigama #මීරිගම