“රැවටීමේ කලාවේ විශාරදයා” යයි නිව් ස්ටේට්මන්ට් පුවත්පත මගින් හඳුන්වා දී ඇති හෙල්ගා රොල්ෆ් ඇගේ වයෝවෘද්ධ කෝටිපති සැමියා වූ හර්මන් සමග එකතුවීම සඳහා නසාවු වෙත පියාසර කළ විට ඇයට අසන්නට ලැබෙන්නේ ඇය අපේක්ෂාවෙන් නරක ආරංචි ගණනාවක්ම පොරොත්තුවෙන් සිටින බවය.
ආබාධිතයෙකු මෙන්ම සැකයෙන් පිරුණ පුද්ගලයෙකු වූ හර්මන් කාලයක් තිස්සේම සැක කළේ ඔවුන්ගේ විවාහ ජීවිතය හෙල්ගා විසින් සෙල්ලමකට ගෙන ඇති බවය. එබැවින් ඔහුගේ අන්තිම කැමති පත්‍රය ඇයට බෙහෙවින් අවාසිසහගත කොන්දේසි සහිතව නැවත ලිවීමට ඔශු අදහස් කරයි.
සත්‍ය වශයෙන්ම හර්මන් නිවැරදිය. හෙල්ගාගේ දුර්වලකමක් වෙන්නේ ඇය හැරී ජැක්සන් වැනි කඩවසම්, සරාගී පිරිමින් සඳහා වැඩි ඇල්මක් දැක්වීමය. නසාවු වෙත පැමිණි දිනයේම මුහුදු වෙරළේදී ඇයට ජැක්සන් හමුවෙයි. එහෙත් ඔහු ඇය සිතන ආකාරයේ අයෙක් නොවේ. ඔහු නිසා ඇය එකනරම කප්පම්, යන්ත්‍ර මන්ත්‍ර සහ භීෂණ ක්‍රියා සහිත ලෝකයක පැටලෙයි.
The Joker in the Pack ජේම්ස් හැඩ්ලි චේස් විසින් ලියන ලද හෙල්ගා රොල්ෆ් ගැන කියැවෙන කුතුහලය පිරුණ තුන් ඈඳුතු නතා මාලාවේ දෙවැනි කොටසය. එන්.පී.විජේරත්නවිසින් “කාඩ් කුට්ටමේ කවටයා” නමින් සිංහලට පරිවර්ථනය කර ඇත්තේ එය ය. මෙය මීරිගම ආශිර්වාද ප්‍රකාශනයකි.
චේස්ගේ පොත් ඕනෑම වයස් සීමාවක අයට, ස්ත්‍රී පුරුෂ භේදයකින් තොරව, කියැවීමට සිත් දෙන ආකාරයේ කුතුහලාත්මක තේමා සහිතය. හෙල්ගා රොල්ෆ් පොත් ත්‍රිත්වයෙන් ඔබ අපරාධ. සැකය හා අවිනිශ්චිතතාවය සහිත චපල ලෝකයකට රැගෙන යයි. පුද්ගලික ශාරීරික දුර්වලතා සහ සාපරාධී ප්‍රවණතා අතර වෙනස ඔබට මෙම පොත්වලින් හඳුනාගත හැකිය.
හෙල්ගා රොල්ෆ් හා සම්බන්ධ පොත් තුන වෙන්නේ 1. ආසියා මගේ අතේ, 2. කාඩ් කුට්ටමේ කවටයා සහ 3. තුරුම්පුව මගේ අතේ ය. ඔබ සාමාන්‍යයෙන් පොත් ඇනවුම්කරන ආයතයෙන් හෝ කෙලින්ම ආශීර්වාද ප්‍රකාශකයන් වෙතින් මේවා ලබා ගත හැකිය. විමසීම්: වට්ස්ඇප් – 0753222291 / 0753008008
Click here to see full post on FB
#MirigamaApi #මීරිගමඅපි #Mirigama #මීරිගම