වංගගිරිය 🔥 මතකද…
ඔබ වංගගිරිය නරඹන්න ආව කෙනෙක් නම් මේ කතාව ඔබට අනිවාර්යයෙන්ම වැදගත් වෙයි.
ඇසළ කලාපය කේන්ද්‍ර කර ගනිමින් කැප්පිටිවලාන බද ගස්පේ ශ්රී ශෛලතලාරාමය මගින් ප්‍රදේශවාසී සියළු දෙනාගේ මහත් කැපවීමෙන් ඉදිරිපත් කල දැවැන්ත නිර්මාණය… වංගගිරිය.
ඉතින් මේ වංගගිරිය නරඹන්න ඔබත් ආව කෙනෙක් නම් ඔබට එහි රථගාල් හොඳට මතක ඇති.
මේ රථගාල් පවත්වාගෙන යන්න ඉඩම් ලබා දුන්නෙ Malin Dinesh අයිය ප්‍රධාන රථගාල, Nalin Karunarathna අයිය යතුරු පැදි රථගාල. ඒ වගේම මේ වැඩේ කරගෙන අතරතුර නිලන්ත මල්ලවආරච්චි අයිය තමන්ගෙ ගෙවත්තත් මේ වැඩේට පාවිච්චි කරන්න අපිට අවසර දුන්න.
අපේ ගමේ තරුණ සහෝදරයින් 10 දෙනෙක් එකතු වෙලා තමයි මේ රථගාල් පවත්වාගෙන ගියේ. අජිත්, දර්ශන, මලින්, නලින්, උපාලි,චමීර,සිසිර, සංජීව, නිමල් කියන සහෝදර පිරිස මේ වැඩේට උපරිම කැප වුණ අය.
මුලදි කිසිම මුදලක් අය නොකර තමයි මේ වැඩේ කරන්න අපි සූදානම් වුනේ. පස්සෙ අපි සියළු දෙනාම කතා කරල එකඟ වුණේ යතුරු පැදියකින් රු 20 ක් සහ වෙනත් ඕනෑම වාහනයකින් රු 50ක් අය කරල ඒ එකතු වන මුදලින් යම් සමාජ මෙහෙවරක් කරමු කියල. ඒ අනුව සියළු දෙනාම ඒ වෙනුවෙන් තමන්ගෙ උපරිම කැප කිරීම කලා.
ඒ අනුව සියළු දෙනාම ජූලි 03 වෙනි ඇසළ පොහොය දිනයේ ඉඳන් ජූලි 09 වෙනිද වෙනකන්ම දිනපතා සවස 06 ඉඳන් රෑ 12 විතර වෙනකන්ම එකදිගටම, මාර්ගයේ කිසිම රථ වාහන තදබදයක් ඇති නොවෙන විදිහට වගේම නිරන්තරයෙන් රථ ගාල් වල රැඳී සිටිමින් වාහන වල ආරක්ෂාව තහවුරු කරමින් එම කාර්යය ඉතාමත් සාර්ථකව ඉටු කලා.
ඉතින් මේ වැඩේ අවසාන වුණාට පස්සෙ සංජීව අයිය යෝජනා කලේ අපේ දහම් පාසලේ දරු දැරියන් ට පාසල් උපකරණ පරිත්‍යාගයක් කරමු කියල. එහෙත් පැවති යම් යම් බාධක හමුවේ මලින් අයිය යෝජනා කලේ දුෂ්කර ප්‍රදේශයක දරුවන් ට මෙම පරිත්‍යාගය සිදු කරමු කියල. ඒ අනුව සියළු දෙනාම ඊට එකඟ වුණා.
ඒ අනුව මලින් අයිය ඊට අදාළ සියළු සම්බන්ධීකරණ කටයුතු සිදු කරමින් අනුරාධපුර, මහකනදරාව කුඩාගම ප්‍රාථමික විද්‍යාලය මේ සඳහා සම්බන්ධ කර ගත්ත. මේ කටයුත්තට මිහින්තලේ ස්වර්ණසිරි අයියත් ලොකු දායකත්වයක් ලබා දුන්න. 🙏🙏
ඒ අනුව අද 2023 ජූලි 11 අපි සියළු දෙනාම කුඩාගම පාසලට ගිහින් දරුවන් ට අවශ්‍ය රු 47000ක් පමණ වටිනා පාසල් උපකරණ සහ මලින් අයිය නලින් අයියා ඇතුළු තවත් සහෝදරයන් එකතු වෙලා තමන්ගෙ පුද්ගලික වියදමින් රු 50000 කට ආසන්න මුදලක් වැය කරල දරු දැරියන් 35 දෙනෙකු ට අවශ්‍ය නිළ ඇඳුම් රෙදි පරිත්‍යාග කරල ඒ දරුවන් ගේ මුවගට සිනහවක් එක් කරන්න කටයුතු කලා.
ඉතින් වංගගිරිය නරඹන්න ඇවිත් තමන්ගෙ රථ අපේ රථ ගාල් වලට ඇතුළු කරල රු 20 ක් රු 50ක් සමහරවිට ඊට වැඩි ගාණක් පරිත්‍යාග කරල මේ කටයුත්තට දායක වුණ ඔබ සියළු දෙනාටත් මේ දේ දැකල එක වගේ සතුටු වෙන්න පුළුවන් වෙයි.
මේ කටයුත්ත මේ ආකාරයෙන් සාර්ථක කර ගන්න දායක වුණ ඔබ සියළු දෙනාට ත්, මහකනදරාව කුඩාගම ප්‍රාථමික විද්‍යාලයේ විදුහල්පතිතුමා ඇතුළු ආචාර්ය මණ්ඩලය ටත් දරු දැරියන් ඇතළු දෙමාපියන්ටත් මේ කටයුතු සම්බන්ධීකරණය කර දුන් මිහින්තලේ ස්වර්ණසිරි අයියා සහ එම මහත්මියටත් අපි ස්තුතිය පලකර සිටිමු. 🙏🙏🙏
Click here to see full post on FB
#MirigamaApi #මීරිගමඅපි #Mirigama #මීරිගම