| Spin Riders මීරිගම සහ සජින |
සබඳ,
මම පුද්ගලිකවම මේ නිදහස් අවකාශයේ කතා නොකර සිටිනවා කියා මට ම පොරොන්දුව සිටි දෙයක් ගැන අද කතා කරන්නම හිතුණා. ඒක මම මෙහෙම අරඹන්නම්.
දෙයක් කරන්න හදන එකා ගැන අපේ සමාජය ඊරිසියයි. සරලව කිව්වොත් අපේ කුහක හිත්, ඇති හැකි එකා ගැන ඊරිසියයි. සමාජයම එහෙමයි.
සමාජය හදන්න රට හදන්න වගේ ලොකු දේවල්වල මූලිකව ඉන්න අය තමා ඒක වපුරන්න මූලිකත්වය ගන්නේ.කොටින්ම තමන්ට වඩා දෙයක් අනෙකා ට තියනවාට ඌට පිළිගැනීමක් ලැබෙනවාට බොහෝ දෙනකු අකමැතියි. කෙළින් නොකිව්වත් අවශ්‍ය පසුබිමක් හැදුණු ගමන් වටකරලා ගහනවා ගැහිල්ලක්. හැදෙන එකාට පහර ගැහිල්ල තමා මේ හැම එකාම කරන්නේ.
යකෝ මට වඩා අරු දියුණු වුණේ කොහොමද මාත් දවසක ඒ විදියට දියුණු වෙනවා කියන සිතුවිල්ල හිතට ගන්නේ නැතුව නගින එකාට කෙළින දේට මං ආසම නෑ.
අද මට බයිසිකලයක් නැත්තං මගේ අරමුණ සිහිනය විය යුත්තේ ළගදිම මාත් බයිසිකලයක් ගන්නවා කියන අරමුණ ඇති කරගැන්මයි. බයිසිකලයක් ගත්ත එකාට පහර ගහලා අපට ඒ වෙලාවේ පොඩි ආශ්වාදයක් මිස වෙන කිසිවක් නොලැබේ.
හරි දැන් අදාළ කතාවට යමු.
Spin Riders Club තමා අද දවසේ රටේම මාතෘකාව. අන්න ඒක ගැන මට ආඩම්බරයි. මං ජිවත්වෙන මිරිගමින් ආරම්භ වූ ව්‍යාපාරයක් ඒක.
ඔව් Spin Riders Club ආරම්භ කරන්නේ මීරිගම කොල්ලෙක්. ඌ සජින සිත්මල්. ඒ කොල්ලව පොඩි කාලේ ඉඳන් මං දන්නවා.
ඒ වකවානුවේ වූවිවිධ හැලහැප්පීම් ආර්ථික ගැටලු මැද තරුණයෙක් වෙන මේ කොල්ලා අද රට හොල්ලන නමක් සහිත පිරිවරක් එකතු කරගන්න තරම් සමතෙක් වෙලා.
එදා රෝද තුනේ පුංචි පුට් සයිකල් කට්ට පැද්ද කොල්ලා අද ලොව අති නවීන යතුරු පැදි අලිවි කරන තැනට විතරක් නෙමේ ඒවා පදින දාස් ගාණක් එක තැනකට එකතු කරගන්න තරම් ශක්තියක් තියන කොල්ලෙක් වෙලා. අන්න ඒක මට ආඩම්බරයක්.
ඌ කවදාවත් පොඩිකාලයේ මෝටර් සයිකලයක් පදින එකාට ඊරිසියා කරේ නෑ. කළේ මාත් දවසක මේම එකක් පදිනවා කියන අරමුණ ඇතිව වැඩ කිරීම.
අද ඒක ඔහු ශාක්ශාත් කරගන තියනවා උපරිමයෙන්ම.
අද ඌ හිතන්නේවත් නැති කරුණු ගෙන හැර පාමින් ඔය අරින්නේ කස්ටිය කාටවත් නෙමේ අන්න ඒ කොල්ලාට.
මට එකක් කිය හැකියි ඔය එකෙකුට අරින වෙලේ හිතට ගනින් මාත් ඌ වගේ වෙනවා කියන ගැම්ම. අන්න එදාට උඹලටත් ජයක් ලැබෙයි.
හිතට ගන්න මට අද නැති දේ වෙන අයෙක් විඳිනකොට ඌට කෙළින්නේ නැතුව මාත් දවසක ඌ වගේ තත්ත්වෙකට එනවා කියන සිතුවිල්ල හා ඒකට අවැසි කැපවීම කරන්න.
එදාට ලස්සන දවසක් උදාවේවි.
Click here to see full post on FB
#MirigamaApi #මීරිගමඅපි #Mirigama #මීරිගම